Матэрыялы за 01.10.2010 »

1-10-2010, 16:28

[ Грамадства ] • Сямейная дынастыя педагогаў

Опубликовал: gazeta | Просмотров: 1456 | Комментарии (0)

3 кастрычніка—Дзень настаўніка

Настаўнік на вёсцы—асоба, як правіла, паважаная, аўтарытэтная. Спрадвеку інтэлігенцыя там карысталася пашанай акружаючых. І нездарма, бо знаходзілася ў цэнтры грамадскага жыцця.

Мікалай Іванавіч Бахір у Язна чалавек вядомы. Сам і ўся яго сям’я—інтэлігенты, далікатныя, ветлівыя, інакш кажучы, людзі асаблівага складу. Муж, жонка, чацвёра дарослых дзяцей маюць вышэйшую педагагічную адукацыю. Праўда, малодшанькая Юленька, як ласкава называе яе тата, пакуль студэнтка-трэццякурсніца гістарычнага факультэта Віцебскага дзяржніверсітэта. Настаўніцкая дынастыя самая што ні ёсць сапраўдная.

1-10-2010, 16:21

[ Рэлігія ] • Фэст у Язне

Опубликовал: gazeta | Просмотров: 1367 | Комментарии (0)

8 кастрычніка, у пятніцу, адбудзецца святкаванне 110-годдзя храма Праабражэння Гасподняга ў Язна. Пачатак богаслужэння з удзелам архіепіскапа Полацкага і Глыбоцкага Феадосія ў 9 гадзін, а пасля—хрэсны ход па вёсцы з асвячэннем Крыжа.

У 16.00—канцэрт-сустрэча святароў з выхаванцамі нядзельных школ і прыхаджанамі ў СДК.

1-10-2010, 16:20

[ Навіны ] • Фестываль “У гасцях у Пчолкі”

Опубликовал: gazeta | Просмотров: 1246 | Комментарии (0)

У райцэнтры на плошчы ля РДК 1-3 кастрычніка праходзіць міжнародны культурна-аздараўленчы фестываль “У гасцях у Пчолкі”. Ён мае ў рэспубліцы ўжо чатырохгадовы стаж, аднак упершыню адбываецца на Міёршчыне.

1-10-2010, 16:18

[ Афіцыйна ] • “Прамая лінія”

Опубликовал: gazeta | Просмотров: 2023 | Комментарии (0)

Намеснік старшыні райвыканкама А. І. Баданін займаецца пытаннямі развіцця эканомікі і прамысловасці. Калі ў вас ёсць прапановы і заўвагі, як вырашыць праблемы ў гэтых напрамках, звяртайцеся да Аляксандра Іосіфавіча ў сераду, 6 кастрычніка, з 9 да 11 гадзін па тэл. 4-14-02.

1-10-2010, 16:16

[ Афіцыйна ] • Выбары прэзідэнта. Групы зарэгістраваны

Опубликовал: gazeta | Просмотров: 1032 | Комментарии (0)

27 верасня Цэнтрвыбаркам зарэгістраваў 17 ініцыятыўных груп па вылучэнню кандыдатаў у прэзідэнты.

Усяго было пададзена 19 заяў. Адмовілі беспрацоўнаму Іллю Дабратвору. Па-першае, ён яшчэ не дасягнуў 35 гадоў, па-другое, у яго спісе ініцыятыўных груп стаяла ўсяго адно прозвішча—уласнае. У санітаркі Наталлі Старыкавай значылася 30 чалавек, хаця па закону патрэбна як мінімум сто. Астатнія прэтэндэнты гэты рубеж пераадолелі—хтосьці літаральна на некалькі дзесяткаў, хтосьці на больш.

1-10-2010, 16:14

[ Навіны ] • “Глядзіце праз нашы вокны”

Опубликовал: gazeta | Просмотров: 1249 | Комментарии (0)

Зусім нядаўна ў райцэнтры з’явілася новае прадпрыемства, якое заснаваў мінскі прадпрымальнік Дзяніс Валер’евіч Чарняўскі. Праўда, пакуль што таварыства з абмежаванай адказнасцю “Альтан-пласт” і прадпрыемствам назваць цяжка. Невялікі вытворчы цэх размясціўся ў пустуючым будынку ў радзе гаражоў, што знаходзяцца за нядзельнай царкоўнай школай па вуліцы Кірава за домам 114, дзе працуюць два слесары-зборшчыкі пад кіраўніцтвам старшага майстра Мікалая Дарашчонка. А наш офіс, дзе прымаюцца заяўкі, месціцца ў дыспетчарскай УП ЖКГ па вул. Дзяржынскага, 20А.

1-10-2010, 16:11

[ Навіны ] • Падзеі і факты

Опубликовал: gazeta | Просмотров: 1356 | Комментарии (0)

На развіццё малочнай галіны ў 2010-2015 гадах Беларусь накіруе амаль 18 трыльёнаў ільготных крэдытаў. Гэтыя сродкі будуць выкарыстаны на будаўніцтва і рэканструкцыю ферм і малакаперапрацоўчых прадпрыемстваў. Рост аб’ёмаў вытворчасці малака плануецца забяспечыць як за кошт павелічэння пагалоўя кароў, так і шляхам павышэння надояў да 6 тыс. кг у год (рост у 1,27 раза да 2009 года).
ххх

Інфляцыя ў студзені-жніўні склала 5,1%.
ххх

Сістэмы відэаназірання і выяўлення пажараў з’явяцца ва ўсіх лясгасах Беларусі ў 2011-2015 гадах. Цяпер у лясгасах устаноўлена 551 пажарна-назіральная вышка і мачта, і толькі 71 з іх аснашчана сістэмамі відэаназірання.

1-10-2010, 16:07

[ Грамадства ] • Лёс так вызначыў

Опубликовал: gazeta | Просмотров: 1496 | Комментарии (0)

Нас вучыла і прывівала любоў да замежных моў выдатная настаўніца Вера Генадзьеўна Гайлеш. За час работы ў Верхнядзвінску, на Браслаўшчыне і ў Полацку яна праявіла сябе чулым чалавекам і моцным педагогам. Многія яе выхаванцы працуюць на Міёршчыне, у іх ліку дырэктар СШ №3 В. Г. Атрошка. Вера Генадзьеўна часта наведвае Міёры і раён. Тут у яе родныя ў вёсках Павяцце, Орцы, Ідолта і Пераброддзе.

1-10-2010, 16:01

[ Афіцыйна ] • У райвыканкаме. Утворана камісія

Опубликовал: gazeta | Просмотров: 1176 | Комментарии (0)

Занепакоенасць

Райвыканкам абмеркаваў вынікі сумеснай работы Перабродскага сельвыканкама, грамадскіх арганізацый, участковага інспектара па забеспячэнню грамадскай бяспекі, прафілактыцы і папярэджанню злачыннасці і карупцыі. Заслуханы інфармацыі старшыні сельвыканкама В. М. Дзеравянчыка і ўчастковага інспектара РАУС Ю. П. Барысенкі. Пытанні ўмацавання грамадскага парадку і прафілактычнай работы рэгулярна разглядаюцца на сесіях сельскага Савета, у сельвыканкаме. У гэтай рабоце ўдзельнічаюць камісія па справах непаўналетніх, грамадскія арганізацыі. Школа кантралюе нядобранадзейныя сем’і. Ужо сёлета праведзена 5 пасяджэнняў савета грамадскага пункта аховы парадку.