Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
Warning: Use of undefined constant title - assumed 'title' (this will throw an Error in a future version of PHP) in /home/mijoryby/public_html1/engine/modules/calendar.php on line 107
А. ЛУКАШЭНКА накіраваў на дапрацоўку праект дзяржпраграмы развіцця сельскіх тэрыторый на 2011-2015 гады. Ён лічыць неабходным вызначыць дадатковыя рэзервы, якія трэба задзейнічаць для паляпшэння эканамічнага стану сельгаспрадпрыемстваў краіны. У БЕЛАРУСІ будзе скарочана колькасць абавязковых для прымянення першасных уліковых дакументаў. Гэта прадугледжана ўказам №114 ад 15 сакавіка, які ўступіў у сілу з 1 красавіка.
З прэзентацыяй новага альбома “Твая любоў” выступілі на сцэне РДК наша зямлячка Леся Кодуш і яе муж Слава Нагорны. Разам з імі ў канцэрце прымаў удзел шоу-балет “NEXT”, канкурсант вядомага фестывалю “Славянскі базар” і шматлікіх тэлепраектаў.
Непасрэднасць і адкрытасць артыстаў дазволілі міярчанам, а таксама тым, хто прыехаў з іншых куточкаў раёна, па-сапраўднаму адпачыць і зарадзіцца аптымістычным і светлым настроем. Дуэт падарыў зале шмат прыгожых песен пра каханне. Леся выканала дзве кампазіцыі на французскай мове. Удзячныя гледачы адорвалі спевакоў кветкамі.
У ФСК “Атлант” два дні праходзіў міжраённы турнір па міні-футболу сярод каманд ветэранаў з Верхнядзвінска, Шаркаўшчыны, Наваполацка і Міёраў. Гонар нашага раёна абаранялі Валерый Закрэўскі, Анатоль Немянёнак, Алег Грыгаровіч, Мікалай Шамёнак, Анатоль Шкетаў, Сяргей Арлоў, Аляксандр Жук (капітан), Мікалай Пазднякоў, Андрэй Чарняўскі, Віктар Раманоўскі і Яўген Вішнеўскі.
З пачатку газіфікацыі нашага раёна прайшло больш чатырох з паловай гадоў. Цяпер у Міёрах эксплуатуецца каля 620 ацяпляльных газавых апаратаў, якія выкарыстоўваюцца для абагрэву і гарачага водазабеспячэння індывідуальных жылых дамоў. Для бяспечнага і правільнага іх функцыянавання, а таксама для павелічэння тэрмінаў службы неабходна строга захоўваць патрабаванні нарматыўных дакументаў па іх мантажу і эксплуатацыі, бо пры некваліфікаваным або няправільным карыстанні яны могуць выйсці са строю, быць небяспечнымі для здароўя і жыцця ці прывесці да значных матэрыяльных страт. Дарэчы, райгаз не нясе пры гэтым адказнасці, калі парушаны шэраг важных правілаў: мантаж і пярвічны запуск, абслугоўванне вядзе некваліфікаваны персанал, які не мае дазволу на падобныя работы; не захоўваюцца патрабаванні, акрэсленыя ў “Правілах прамысловай бяспекі ў вобласці газазабеспячэння РБ”.
Халоднае надвор’е, якое трымалася ў пачатку красавіка, не спрыяла падсыханню глебы, а на гэтым тыдні выглянула сонца, што прыдало настрою хлебаробам ААТ “Любінова”. — Калі дождж ці снег не перашкодзяць, то пасля выхадных возьмемся за выбарачную апрацоўку глебы, а магчыма і раней, — падзялілася планамі галоўны аграном таварыства Яніна Мар’янаўна Марцінкевіч. — Цяпер спяшаемся апрацаваць насенне хімсродкамі. Сёлета набылі новую пратручвальную машыну, а таму справа ладзіцца.
На раённых спаборніцтвах “Снежны снайпер” у пачатку года Мікалай Вашкель заняў першае месца. За выдатны поспех пашчасціла яму трапіць на абласныя, і там ён, як кажуць, не падкачаў — заваяваў трэцяе прызавое. У канцы лютага ў складзе зборнай вобласці трапіў на рэспубліку.
Спачатку зборы праводзіліся ў Віцебску. Чатыры дні трэніраваліся: вучыліся трапна страляць, на лыжах хутка пераадольваць тры кіламетры. У рэспубліканскіх спаборніцтвах, што праходзілі пад Мінскам, удзельнічалі дзве ўзроставыя падгрупы — малодшая і старэйшая. Менавіта ў складзе другой знаходзіўся і Мікалай.
Прозвішча Алены Басікірскай — неаднаразовай аўтаркі шэрагу артыкулаў і вершаваных твораў, што друкаваліся ў нашай раёнцы, значыцца ў рэспубліканскім банку адоранай моладзі. Трапіла туды дзяўчына, як пераможца рэспубліканскай алімпіяды па беларускай мове і літаратуры, калі вучылася ў СШ №3. Цяпер Алена студэнтка сталічнага дзяржаўнага педагагічнага ўніверсітэта імя Максіма Танка. Марыць стаць настаўніцай, каб выкладаць родную мову і літаратуру. Пасля школы скончыла з адзнакай Полацкі каледж. У час вучобы ў гэтай установе выклікала цікавасць у мясцовых журналістаў.
У РДК прайшла сустрэча выпускнікоў базавых і сярэдніх школ са спецыялістамі, выкладчыкамі розных сярэдніх спецыяльных і вышэйшых навучальных устаноў, а таксама з прадстаўнікамі некаторых раённых арганізацый. Яна праліла святло на студэнцкае жыццё, пазнаёміла з патрабаваннямі і спецыфікай паступлення, навучання і будучай самастойнай працы.
Генадзь Сяргеевіч Старавойтаў родам з Расоншчыны. Нарадзіўся 22 студзеня 1941 года. Яму споўнілася ўсяго толькі пяць месяцаў, калі пачалася вайна. Нялёгкая доля выпала дзецям ваеннага пакалення. Як узгадвае, бацька пайшоў у партызанскі атрад, рэдка наведваў сям’ю, таму ўвесь цяжар працы лёг на плечы матулі. Пра дваіх дзяцей — дачку Зіну, якой на пачатак вайны ішоў чацвёрты гадок, і маленькага сыночка Генадзя прыходзілася клапаціцца адной. Лягчэй стала пасля перамогі, калі карміцель вярнуўся. Накіравалі яго тады працаваць у наш раён, вось так трапіла сям’я Старавойтавых на Міёршчыну.