Самая горшая сітуацыя ў выніку рэйду-праверкі стану электрабяспекі на аб'ектах была выяўлена ў КУП "Язна" і ААТ "Наўгароды". На крытычную публікацыю, змешчаную ў №17 раённай газеты за 26 лютага, кіраўніцтва адрэагавала аператыўна і недахопы ліквідаваны.

Так, у КУП "Язна" электраманцёр забяспечаны сродкамі абароны, у жывёлагадоўчых памяшканнях электраправодка ачышчана ад бруду, сілавыя шчыты зачынены на замкі і "жучкі" ў рубільніках заменены на завадскія плаўкія ўстаўкі.

Раённы выканаўчы камітэт падвёў вынікі работы народнай гаспадаркі раёна за 2012 год і прысудзіў прызавыя месцы наступным калектывам:

—   першае месца — філіялу "Міёрскі хлебазавод" РУПП "Віцебскхлебпрам" (дырэктар С. А. Матэленак), які заносіцца на раённую Дошку гонару і ўзнагароджваецца Ганаровай граматай райвыканкама;

—   другое месца — ААТ "Міёрскі камбікормавы завод" (В. А. Паляк).