На мінулым тыдні адбылося чарговае пасяджэнне раённага выканаўчага камітэта. Асноўнае пытанне парадку дня — "Аб ходзе выканання мерапрыемстваў па рэалізацыі патрабаванняў Дырэктывы Прэзідэнта РБ ад 14.06.2007г. №3 "Эканомія і беражлівась — галоўныя фактары эканамічнай бяспекі дзяржавы". Па інфармацыі намесніка старшыні райвыканкама А. І. Баданіна, адзначана, што ўсе прадпрыемствы раёна кантралююць рацыянальнае выкарыстанне па-ліўных, энергетычных, матэрыяльных рэсурсаў, а таксама зніжэнне ўдзельнай вагі матэрыяльных затрат на адзінку выпускаемай прадукцыі. Аднак у цэлым за першы квартал сёлета тэмпы росту выдаткаў на вытворчасць прадукцыі апярэджваюць тэмпы росту аб'ёмаў вытворчасці на 3,2%. З 35 арганізацый такую тэндэнцыю мае 11. На тысячу рублёў вырабленай прадукцыі прадпрыемствамі раёна за студзень-сакавік даводзіцца 1020 рублёў страт. У параўнанні з аналагічным перыядам мінулага года дапушчаны рост на 22 рублі ці на 2,2%.
Забяспечваецца прагнозны паказчык па энэргазберажэнні. Выконваюцца мерапрыемствы адпаведнай праграмы.Назіраецца тэндэнцыя росту ўдзельнай вагі інавацыйнай прадукцыі прадпрыемстваў прамысловасці. Разам з тым захоўваюцца нізкія тэмпы выканання заданняў па ўсіх відах другаснай сыравіны, акрамя палімерных адходаў.
Райвыканкам абавязаў кіраўнікоў прадпрыемстваў скараціць невытворчыя расходы і страты, актывізаваць рэалізацыю інвестыцыйных і інавацыйных праектаў, накіраваных на тэхнічнае пераўзбраенне і мадэрнізацыю вытворчасці, у тым ліку з далучэннем замежных інвестыцый, правядзенне інвентарызацыі дзяржаўнай маёмасці, якая не выкарыстоўваецца ці мала выкарыстоўваецца, выкананне заданняў па зборы другаснай сыравіны. Упраўленню сельскай гаспадаркі і харчавання даручана знізіць расходы кармоў на адзінку прадукцыі пры вытворчасці малака і вырошчванні маладняку буйной рагатай жывёлы не менш чым на 3%, гадоўлі і адкорме свіней у комплексах — на 2%.
УП ЖКГ патрэбна прыняць меры па завяршэнні работ па аптымізацыі рэжымаў, устаноўцы саставу асноўнага і дапаможнага абсталявання, якое мае павышаны расход энэргарэсурсаў на кацельнай "Дзісна".
Са справаздачамі па першым пытанні выступілі загадчык раённага аддзела адукацыі В. А.Драба, начальнік УП ЖКГ У. І. Мяцеліца.
Кармы і прадукцыйнасць статка
Заслухаўшы інфармацыю намесніка начальніка райсельгасхарчу П. В. Пятрова "Аб ходзе пашавага ўтрымання жывёлы і нарыхтоўцы кармоў у сельскагаспадарчых арганізацыях раёна", райвыканкам адзначыў, што за 5 месяцаў атрымана валавой прадукцыі жывёлагадоўлі на 1,5% менш леташняга, у тым ліку малака — на 3,7%. Зніжэнне дапусцілі 8 гаспадарак з 17 па прычыне дрэннага травастою, таму на летняе ўтрыманне каровы і цялушкі пераведзены на 10-12 дзён пазней сярэднегадавых тэрмінаў. Тым не менш, работа гэта прайшла арганізана амаль ва ўсіх гаспадарках, за выключэннем тых, якія несвоечасова падрыхтавалі да работы перасоўныя даільныя ўстаноўкі і абсталяванне. Гэта адбілася на вытворчасці малака. Недабор валавых надояў дапусцілі ААТ "Папшулі", "Наўгароды", "Узмёнскі край", ВУПКУ "Міёрскі", у тым ліку і з-за адсутнасці трохразовага даення навацельных кароў.
Дзякуючы выкарыстанню камбікармоў атрымліваюць прырост надояў ААТ "Туркова", "Міёрскі райаграсэрвіс", "Гвардзейскі", "Мікалаёўскі", "Дрыгучы". Аднак асноўны корм у кароў цяпер — зялёны. У раёне 4323 гектары шматкампанентных пашаў ці 0,26 на адну выпасваемую галаву кароў і цялушак. Але ў шэрагу гаспадарак страўленыя ўчасткі не падкошваюцца, не падкармліваюцца.
У раёне назапашана 6926 тон сена, у тым ліку першым класам — 6686 тон, другім — 240. Сенажу закла-дзена 74393 тоны. Створаны групы па кантролі за захаваннем тэхналогіі нарыхтоўкі кармоў, якія выявілі ў некаторых гаспадарках парушэнні тэрмінаў закладкі зялёнай масы, яе павышаную вільготнасць, недастатковую трамбоўку, падрыхтоўку сянажных траншэй і герметызацыю сенажу.
Адзначана недастатковая работа шэрагу кіраўнікоў гаспадарак па гэтых напрамках, ім дадзены ўказанні выправіць недахопы ў бліжэйшы час.
На пасяджэнні райвыканкама зацверджаны план правядзення ўборкі ўраджаю і сяўбы азімых. Разгледжаны жыллёвыя пытанні.
Наталія СТАНКЕВІЧ.