Сайт Раённай газеты Міёрскія навіны
 
Навигация на сайте:
» Гісторыя краю / 75 год раёну » Какими мы были молодыми
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Кастрычнік 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
16-02-2015, 10:51 Гісторыя краю / 75 год раёну  ] • Какими мы были молодыми   |  
 
Назва: Якімі мы былі маладымі      

Какими мы были молодыми Кажуць, што працавітасць і гаспадарлівасць перадаюцца ў спадчыну. Таму адказных работнікаў, якія сумленна выконваюць абавязкі і дэманструюць прыклад іншым, на Міёршчыне заўсёды было шмат. Адметна, што тыя, на каго раўняліся 20-30 гадоў таму, і цяпер у ліку правафланговых. 
Зазірнём у мінулае. Адгартаем альбом гісторыі ў 80-ыя гады і ўбачым добра знаёмых людзей, толькі крыху маладзейшых.

 

Клаўдзія Мямнонаўна Пятрова — аграном калгаса "Перамога" (цяпер ААТ "Наўгароды"). Усё жыццё гэтага спецыяліста звязана з раслінаводствам. Рухавую постаць жанчыны можна было ўбачыць у полі ранкам, калі яшчэ толькі пачынаў ружавець усход, і позна вечарам, калі замаўкалі палеткі ад гоману тэхнікі. Клаўдзія Мямнонаўна карысталася аўтарытэтам не толькі сярод маладых калег, але і больш вопытных. Заваявала яго прафесіяналізмам і сумленным стаўленнем да работы. Яшчэ маладой К. М. Пятрова была выбрана ў гаспадарцы старшынёй групы народнага кантролю. Доўга на пенсіі яна заставалася ў рабочым страі. Аднак некалькі гадоў таму пайшла на заслужаны адпачынак.
На фотаздымку, зробленым ў 1984-ым годзе, К. М. Пятрова ў добрым настроі, бо па выніках работы раслінаводчай галіны за год ёй прысвоена званне "Лепшы аграном раёна". 

 

 

Какими мы были молодыми Казімір Антонавіч Мароз — спецыяліст па рамонце гадзіннікаў, гэтай справе аддаў больш за 35 год. У 1989 годзе ён быў работнікам раённага камбіната бытавога абслугоўвання. Сярод калег вызначаўся не толькі ўменнем хутка вызначыць прычыну няспраўнасці механізма, стрэлкі якога адлічваюць час, але і хутка і якасна выправіць паломку. Яму даводзілася рамантаваць ручныя гадзіннікі, у выглядзе медальёнаў, кішэнныя, насценныя, будзільнікі. Адрозніваліся яны і механізмам запуску. Напрыклад, у майстэрню прыносілі маятнікавыя гадзіннікі, якія запускаліся гірамі і мелі "кукушку", а таксама маятнікавыя з боем, прыводзімыя ў дзеянне спружынным механізмам, у гэтым ліку былі нават рарытэтныя экзэмпляры. Часта прыносілі ў майстэрню і папулярныя на той час гіравыя "ходзікі". Моднымі лічыліся электронныя гадзіннікі і электрычныя. 
У гэтым "царстве часу" Казімір Антонавіч і яго калегі па майстэрні працавалі ў белых халатах нібы дактары, якія абуджалі механізмы ад сну.
К. А. Мароз быў брыгадзірам. Даводзімыя месячныя планы калектыў выконваў на 100-110%.
Дарэчы, Казімір Антонавіч і цяпер рамантуе гадзіннікі ў будынку РКБА, але ўжо арандуе памяшканне як прыватны майстар.

 

Какими мы были молодыми Пётр Станіслававіч Рагавы — слесар па рамонце рухавікоў. У 1984 годзе (калі быў зроблены фотаздымак для размяшчэння ў раённай газеце) працаваў у райсельгастэхніцы (цяпер ААТ "Міёрскі райаграсэрвіс") і вызначаўся лепшым работнікам і адказным камсамольцам. Сур'ёзна ставіўся да службовых і грамадскіх абавязкаў. Рамантаваў рухавікі са стараннем, якасна, што і гарантавала іх надзейнасць у эксплуатацыі. На старонках "Сцяг працы" (цяпер "Міёрскія навіны") адзначана: "Асабістае абавязацельства, прынятае на трэці год адзінаццатай пяцігодкі, выканаў датэрмінова — да 15 снежня. Юнак прымае актыўны ўдзел у рабоце камсамольскай арганізацыі, выбраны членам райкама ЛКСМБ. За працоўныя поспехі, удзел у грамадскім жыцці яго партрэт занесены на раённую Дошку гонару."
П. С. Рагавы і цяпер працуе на прадпрыемстве і рамантуе рухавікі, якія можа перабраць з заплюшчанымі вачыма. Вяртае ў строй "жалезнае сэрца" самай рознай тэхнікі. Дысцыплінаваны, сумленны, кампетэнтны, дасведчаны — так характарызуюць вопытнага работніка яго таварышы па калектыве цяпер.

 

Какими мы были молодыми Ала Аляксееўна Скавародка — работнік культуры. Нарадзілася ў 1955 годзе ў вёсцы Новы Пагост. У 1973-ім закончыла сярэднюю школу.
Напачатку загадвала Даўгінаўскай сельскай бібліятэкі, а ў студзені 1976 года была пераведзена ў раённую, дзе два гады працавала бібліятэкарам. Затым яе прызначылі старшым інспектарам аддзела культуры, дзе затрымалася на 10 гадоў. У 1988-ым (фотаздымак таго часу) Ала Аляксееўна стала дырэктарам цэнтралізаванай бібліятэчнай сістэмы раёна і ўжо 27 гадоў паспяхова кіруе калектывам бібліятэкараў Міёршчыны.

 

Падрыхтавала Эліза БЛАЖЭВІЧ.
Фота Казіміра БЛАЖЭВІЧА.


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar