Сайт Раённай газеты Міёрскія навіны
 
Навигация на сайте:
» Грамадства » В приюте хорошо, но не дома
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Лістапад 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
31-01-2012, 14:15 Грамадства  ] • В приюте хорошо, но не дома   |  
 
Назва: нет заглавия на бел языке      

У прытулку добра, але не дома

 

“А ты хто?” — пытаецца светлавалосы хлопчык з яснымі вачыма і ўсміхаецца. Так знаёмімся з трохгадовым Сярожкам, самым маленькім выхаванцам  дзіцячага сацыяльнага прытулка, што ў Дзісне. Пакуль старэйшы брацік разам з астатнімі вучнямі ў школе, ён бавіць час з выхавальнікамі за рознымі гульнямі і заняткамі.

Усяго ў прытулку зараз знаходзіцца 8 дзетак. Дзяўчынка толькі адна. Самаму старэйшаму хлопчыку 13 год. І ўсе тут па адной прычыне — яны з нядобранадзейных сем’яў.

 

“Дзеці трапляюць да нас не адразу, — расказвае загадчык прытулку  Людміла Уладзіміраўна Калачова. — Бацькам даюць магчымасць выправіць сітуацыю. Пэўны час сям’я знаходзіцца пад наглядам сацыяльных служб. Аднак калі змен да лепшага няма, дзяцей забіраюць”.

 

У прытулку для іх створаны добрыя ўмовы: арганізаваны распарадак дня, збалансаванае харчаванне, цікавыя заняткі, увага і клопат выхавальнікаў. Цёпла і ўтульна, цікава і прыгожа. На сценах у спальнях яркія малюнкі, у прасторным пакоі для гульняў шмат цацак і тэлевізар. Аднак прывыкнуць да новага, няхай і лепшага  жыцця, дзецям не так проста. Толькі паступова яны асвойваюцца.

 

На працягу ўсяго дня выхаванцы нечым занятыя. Наведваюць гурткі ў цэнтры дзяцей і моладзі, што знаходзіцца побач. Разам з выхавальнікамі, якія даглядаюць іх кругласутачна, ходзяць на прагулкі, рыхтуюцца да ўрокаў, удзельнічаюць у розных мерапрыемствах. Яркія ўспаміны пакінулі ў дзяцей навагоднія святы. Ля прыгожай елкі ў маскарадных касцюмах яны фатаграфаваліся разам са сваімі бацькамі.

 

Бацькі час ад часу ў прытулак наведваюцца. І дзеткі ім рады. Вядома, тыя людзі, што тут побач з імі, родных маці і тату замяніць не могуць. І, нягледзячы на ўтульнасць і камфорт, дадому ўсё роўна хочацца. А залежыць далейшы лёс дзяцей толькі ад іх бацькоў.

 

Па словах Людмілы Уладзіміраўны, за мінулы год з 26 дзетак, што пакінулі прытулак, 14 вярнуліся ў свае сем’і. Але, на жаль, не ўсе. З цяперашніх выхаванцаў у родны дом не вернуцца трое. Маці аднаго  хлопчыка пазбавілі бацькоўскіх правоў, і яго накіроўваюць у школу-інтэрнат. Шукаюць другую сям’ю для двух братоў, якія ўжо трэці раз трапляюць у прытулак. Іх маці таксама хутка стане афіцыйна чужым для іх чалавекам.

 

Астатнія пяць дзетак, у тым ліку і маленькі Сярожка са сваім брацікам, з цягам часу павінны вярнуцца дадому. Хочацца верыць, што назаўсёды.

 

Кацярына СУРАВЕЦ.

 

 


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar