Эміль Кароткі:
Нос лишь на десять, брови — семь,
Улыбка лет на девятнадцать.
Глаза без возраста совсем,
Губам до ста еще смеяться.
А кожа — персик и атлас!
До старости — лет девяносто.
Причёска—это высший класс,
Фигура — загляденье просто!
Эма Антонаўна Сцепулёнак — жанчына з вялікай літары. Шмат хто ведае яе як выдатнага педагога, які прысвяціў усе сваё жыццё працы ў школе. Кожны новы дзень гэтага чалавека напоўнены разнастайнымі праблемамі і цяжкасцямі, чаго не скажаш па знешнім выглядзе. Заўсёды з усмешкай на твары сустракае гасцей у сябе дома. Толькі трохі стомленыя вочы і ледзь заўважныя маршчынкі гавораць пра жаданне адпачыць ад звар’яцелага тэмпу жыцця.
Дзеля цікавасці ўвядзіце ў інтэрнэт-пошук пытанне : “Якія прыкметы сапраўднай жанчыны?”, і знойдзеце там дакладнае апісанне Эмы Антонаўны. Як сцвярджае Хэтэр, сапраўдная жанчына не мае патрэбы ў крытыцы, ёй вельмі важныя вашы меркаванні і парады, але яна заўсёды права, так што лепш не спрачацца. Такая асоба ніколі ні аб чым не просіць, не крыўдзіцца. Бачыць суразмоўцу наскрозь і проста немагчыма адгадаць, што распачне ў наступны момант. Вось яна, загадка для любога мужчыны!!! Розум, дабрыня, уменне кахаць і пачуццё гумару – першае, што прыходзіць на язык сучаснаму мужчыну, апісваючы чароўны пол.
Калі вы хоць гадзіну правялі ў кампаніі Эмы Антонаўны, то без цяжкасцей знойдзеце ўсе названыя вышэй якасці. А вучні розных узростаў ведаюць і памятаюць аб ёй, як аб прафесіянале сваёй справы і тонкім чалавеку. З любой праблемы знаходзіць выйсце, а жыццёвая бязладзіца не спыняе на паўдарозе. Аматарка настойваць на сваім, амаль заўсёды напралом адстойвае свой пункт гледжання. Яна ведае, чаго хоча, і будзе імкнуцца да гэтага з неаслабнай настойлівасцю.
“Я шмат чаго пабачыла і яшчэ больш перажыла. Але ўсе ж лічу, што ў жыцці ніколі ўсяго не дасягнеш, таму заўсёды ёсць да чаго імкнуцца, чаго жадаць. Мая мэта на сёння – дапамагчы пляменніку стаць на ногі, знайсці сябе і вызначыцца па жыцці. Калі дасягну яе, упэўнена, што не спынюся, а буду з яшчэ большай стараннасцю пераадольваць новыя вяршыні!”
Мне нравится
быть женщиной за сорок:
Быть мудрой
и прекрасной, как богиня,
Не ведающей злобы
и гордыни…
Іна МАРОЗЬКА, студэнтка БДПУ
імя Максіма Танка.