Сайт Раённай газеты Міёрскія навіны
 
Навигация на сайте:
» Грамадства » Па шляху інавацый у школе
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Лістапад 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
31-08-2010, 16:10 Грамадства  ] • Па шляху інавацый у школе   |  
 
Назва:      

Педагагічны калектыў Міёрскай СШ №3 імкнецца дасягнуць новай якасці адукацыі, стварыць псіхалагічна-камфортнае асяроддзе, якое дазваляе максімальна рэалізаваць магчымасці ўсіх вучняў, і сфарміраваць асобу, здольную да пастаяннага развіцця.

Для арганізацыі вучэбна-выхаваўчага працэсу ва ўстанове адукацыі ёсць 38 кабінетаў, актавая і спартыўная залы, майстэрня, бібліятэка, метадычны кабінет, кабінеты псіхолага і сацыяльна-псіхалагічнай службы. У школе ў мінулым навучальным годзе займалася 625 вучняў. Паміж педкалектывам і бацькамі існуюць партнёрскія адносіны. Актыўна працуе бацькоўскі камітэт. З ліку бацькоў створаны апякунскі савет, які аказвае значную матэрыяльную дапамогу. За два апошнія гады ім на спецыяльны рахунак школы пералічана больш 10 мільёнаў рублёў. Умацоўваюцца сувязі з шэфствуючымі прадпрыемствамі—райаграсервісам, мясакамбінатам, сельгаскааператывам “Чэрасы”.

Прыкладам для вучня з’яўляецца настаўнік. Склаўся стабільны, працаздольны і творчы калектыў педагогаў. З 70 настаўнікаў 79% маюць вышэйшую і першую кваліфікацыйныя катэгорыі. За шматгадовы ўклад у развіццё адукацыі Міёршчыны намеснік дырэктара па вучэбна-выхаваўчай рабоце Іосіф Станіслававіч Кашкур у 2007-ым удастоены нагруднага знака “Выдатнік адукацыі”. Нязменны кіраўнік гуртка “Арганаўты мінулага”, член цэнтральнага света турысцка-краязнаўчай экспедыцыі “Наш край”, член рэспубліканскага таварыства аховы помнікаў гісторыі і культуры, настаўнік гісторыі Вітольд Антонавіч Ермалёнак у 2005 годзе атрымаў прэзідэнцкую прэмію “За духоўнае адраджэнне Беларусі”, летась—званне “Чалавек года Віцебшчыны”.

Народны гісторыка-краязнаўчы музей школы, які дзейнічае пад кіраўніцтвам В. А. Ермалёнка, у 2008 годзе ў конкурсе музеяў устаноў адукацыі заняў першае месца ў рэспубліцы. Агульная колькасць экспанатаў 14,5 тыс. Летась у школе адкрыты “Музей кнігі і друку”. У рамках дзейнасці гуртка “Арганаўты мінулага” больш 20 гадоў вядзецца пошукава-даследчая дзейнасць па гісторыка-краязнаўчаму накірунку. У рэспубліканскім конкурсе краязнаўчых маршрутаў работа гурткоўцаў “Малое залатое кальцо Міёршчыны” заняла другое месца.

Вучэбна-даследчая дзейнасць навучэнцаў у апошнія гады атрымала новы імпульс. Вучні В. А. Ермалёнка паспяхова выступілі на раённай навукова-практычнай канферэнцыі “Дзеці. Творчасць. Інтэлект”. Школьнікі ўдзельнічалі ў канферэнцыі ў Браславе, на якой іх даклады атрымалі высокую адзнаку членаў журы.

Мінулы год быў знамянальны для школы першай моўнай стажыроўкай вучняў у Англіі, у гэтым вялікая заслуга настаўнікаў англійскай мовы А. Ю. Мішута, Г. А. Урбановіч, Т. Г. Крук.

Педагогі прымаюць удзел у інавацыйных працэсах: вывучаюць факультатыўны курс “Асновы энергаэфектыўнасці”, па ўкараненню школьнай праграмы грамадзянска-патрыятычнага выхавання “Вытокі”, арганізавана суправаджэнне класаў інтэграванага навучання з прымяненнем арттэрапеўтычных тэхналогій, вывучаюцца інфармацыйныя тэхналогіі з выкарыстаннем міжнароднай праграмы CISCO.

Створана навуковае грамадства навучэнцаў, дзейнасць якога арганізавана па чатырох накірунках: лінгвістычнае, гісторыка-краязнаўчае, натуральна-матэматычнае і гуманітарнае. Летась наладжана супрацоўніцтва з рэспубліканскім грамадскім аб’яднаннем “Беларуская Асацыяцыя клубаў ЮНЕСКО”.
Арганізаваны факультатыўныя заняткі рознай накіраванасці. Дзеці вывучаюць англійскую мову з першага класа, вучацца танцаваць, рыхтаваць сябе да прафесійнай дзейнасці.

Школа прадастаўляе платныя адукацыйныя паслугі. Сёлета запатрабаванымі аказаліся дадатковае навучанне па прадметах, курсы па падрыхтоўцы да тэсціравання, англійская мова.

Пра якасць навучання сведчаць перамогі нашых выхаванцаў на алімпіядах. За апошнія 5 гадоў на раённым этапе рэспубліканскай алімпіяды па прадметах нашы вучні заваявалі 109 прызавых месц, на абласным—25, неаднаразова абаранялі гонар вобласці ў рэспубліцы.

Педагогі імкнуцца дыферынцыравана будаваць адносіны з бацькамі і дзецьмі. Формы супрацоўніцтва розныя: сумесныя паездкі і паходы, экскурсіі, сямейныя святы, выстаўкі і інш. Традыцыйнымі сталі спартландыі “За здароўем—усёй сям’ёй!” Аматары сямейнага адпачынку запрашаюцца ў школьнае кафэ “Добры настрой”.

На працягу шэрагу гадоў дзейнічае бацькоўскі клуб “Сустрэчы па пятніцах”. У рамках клуба арганізуюцца лекторыі па праблемах выхавання, заняткі-трэнінгі з разборам розных педагагічных сітуацый,бацькі абменьваюцца вопытам выхавання дзяцей. У сістэму работы ўвайшлі бацькоўскія сходы па запытах саміх бацькоў.
Значная ўвага ў школе ўдзяляецца арганізацыі вольнага часу навучэнцаў. У рамках 6-га школьнага дня дзеці маюць магчымасць наведваць ад 15 да 25 гарткоў.

Вынікам дзейнасці школы з’яўляецца той факт, што на працягу шэрагу гадоў больш палавіны выпускнікоў становяцца студэнтамі вышэйшых навучальных устаноў. 16 педагогаў школы—нашы выпускнікі.

В. АТРОШКА, дырэктар Міёрскай СШ №3.

 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar