Сайт Раённай газеты Міёрскія навіны
 
Навигация на сайте:
» Грамадства » С хорошим настроением!
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Лістапад 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
12-10-2012, 10:18 Грамадства  ] • С хорошим настроением!   |  
 
Назва: З добрым настроем!      

С хорошим настроением! Ад чаго залежыць поспех у асабістым жыцці, у зносінах з людзьмі, у працоўнай дзейнасці. Скажаце, ад наяўнасці адпаведных рыс характару ці ўдалага збегу абставін. Можа быць. А яшчэ даволі значную, калі не галоўную, ролю іграе ваш настрой. Згадзіцеся, наўрад ці “клюне” фартуна на пануры выгляд і пастаянную незадаволенасць. “Лічаць, што поспех прыходзіць да тых, хто рана ўстае. Не, поспех прыходзіць да тых, хто ўстае з добрым настроем”, — пісаў французскі драматург М. Ашар. Але адкуль узяць пазітыў, калі, здаецца, што для радасці зусім няма прычын?

 

Псіхолагі лічаць, што добры настрой — прывычка, якую можна ў сябе выпрацаваць. І гэта нескладана. Кожны дзень некалькі хвілін трэба патраціць на тое, каб выкінуць з галавы песімістычныя думкі і заўважыць штосьці добрае вакол.

Праўда, пазітыўны настрой можа знікнуць так жа хутка, як і з’явіўся. А прычынай будуць падгарэлая манная каша, згубленая набойка, недарэчная фраза калегі ці надакучлівы дробны дождж. Толькі гэта дробязі, і зусім неабавязкова надаваць ім вялікае значэнне. А сапраўдныя праблемы павінны быць штуршком да дзеяння, а не падставай для скарагаў на жыццё.

 

Будзьце ў тонусе!

Заставацца на хвалі добрага настрою дапамогуць наступныя простыя сакрэты:

--     усміхайцеся! Не хочацца? Мора праблем і думкі занятыя негатывам… Але ж гэта вашы думкі, і вы можаце думаць інакш! Вядома, для гэтага трэба крыху намаганняў прыкласці. Настройцеся на пазітыў — і справы пойдуць весялей;

--     прагуляйцеся! Няспешная прагулка па парку карысная і для фізічнага здароўя, і нервовае напружанне здымае;

--     панюхайце апельсін! Прыемныя пахі ўзнімаюць настрой усяго за некалькі секунд, а першае месца ў рэйтынгу арамадэпрэсантаў займае пах свежых апельсінаў. Далей ідуць водары лімона, лаванды, сасны, эўкаліпта. А ўвогуле самі можаце выбраць той пах, які выклікае ў вас станоўчыя эмоцыі;

--     з’ешце шакаладку! Даўно вядома, што шакалад — генератар добрага настрою. Ён стымулюе выпрацоўку эндарфінаў — так званых гармонаў шчасця. Той жа эфект даюць бананы і грэйпфруты. Толькі пачуццё меры захоўвайце!

--     выпусціце негатыў! Калі злосць і раздражненне бяруць верх — пабаксіруйце падушку. І напружанне знята, і кулакі не баляць.

 

У Кітаі і Сінгапуры карыстаюцца папулярнасцю ўстановы, дзе кліенты могуць пабіць посуд ці накрычаць на афіцыянта. Праўда, за гэта таксама трэба заплаціць. Вы можаце запусціць кружкай ці талеркай у сцяну абсалютна бясплатна, а потым незнарок намякнуць родным, які падарунак хацелі б атрымаць на бліжэйшае свята.

Словам, не трымайце негатыўную энергію ўнутры, інакш яна там прыжывецца і ператворыцца ў чарговую балячку. Знайдзіце найбольш прымальны для вас спосаб разрадкі і карыстайцеся ім пры першай неабходнасці.

 

“Поделись улыбкою своей…”

Успомнілі радкі цудоўнай песенькі з мультфільма пра маленькага янота?! Часцей іх прыгадвайце і дзяліцеся радасцю з людзьмі, што побач. Стварайце вакол сябе астравок пазітыву. Бярыце з сабой усмешкі і добры настрой — і поспех дагоніць!

 

Кацярына СУРАВЕЦ.

 


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar