Сайт Раённай газеты Міёрскія навіны
 
Навигация на сайте:
» Грамадства » Коммунальные вопросы — частные и общие
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Жнівень 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
21-01-2014, 11:52 Грамадства  ] • Коммунальные вопросы — частные и общие   |  
 
Назва: Камунальныя пытанні — прыватныя і агульныя      

 Коммунальные вопросы — частные и общие
14 студзеня "прамую лінію" праводзіў дырэктар УП ЖКГ У. І. Мяцеліца.
Да яго звярнулася 9 жыхароў райцэнтра. Якія праблемы яны ўзнімалі?

 

— Гэта звычайныя пытанні жыллёва-камунальнай гаспадаркі, — адзначае Уладзімір Іванавіч. — Так, жыхарка дома №2 па вул. М. Багдановіча Капусцёнак адзначыла няякасную ўборку пад'езда і няпоўнае закрыццё ўваходных дзвярэй. У гэтым жа доме ў адной з кватэр выцяжная вентыляцыя дзейнічае ў "зваротным рэжыме". Якімёнак з кватэры №4 дома №2 па вул. Дзяржынскага паскардзілася на нізкую тэмпературу ў жыллі. Пры тым ёй даводзіцца плаціць за ацяпленне столькі ж, як і тым, у каго нарошчаны дадатковыя секцыі на батарэях.

 

Жыхары дома №3 па вул. Я. Томкі папрасілі паставіць дадатковыя кантэйнеры для збору смецця. У доме №6 па гэтай жа вуліцы і №42 па вул. Камуністычнай на лесвічных пляцоўках і ў пад'ездах па-ранейшаму пакідаюць веласіпеды, а падвалы загрувашчваюць скрынкамі і іншымі рэчамі.

Дрэннае асвятленне адзначана на вуліцы Будаўнічай, а яшчэ яе трэба падсыпаць.

 

На пытанні, якія не патрабуюць дадатковага вывучэння, адказы дадзены ў час тэлефоннай размовы, а па астатніх у гэты ж дзень на вытворчай нарадзе дадзены даручэнні майстрам па выпраўленні сітуацыі.

 

— Добраўпарадкаванне — гэта вуліца з двухбаковым рухам. З якімі праблемамі камунальная служба хацела б звярнуцца да жыхароў райцэнтра?

 

— Мы рэгулярна праводзім сустрэчы, сходы з жыхарамі шматкватэрных дамоў, размяшчаем інфармацыю на дошках аб'яў пра тое, што пакідаць веласіпеды, дзіцячыя каляскі і іншыя рэчы ў пад'ездах, у агульных памяшканнях падвалаў катэгарычна забараняецца. Не толькі таму, што камунальная служба не нясе адказнасці за іх захаванне, калі здараюцца крадзяжы. Але ж яшчэ псуецца афарбоўка сцен, аббіваецца тынкоўка, горшым становіцца падход да ўласнай кватэры.

 

Уся маёмасць павінна захоўвацца ў кватэры, або ў асабістых падвальных памяшканнях. За апошнія два месяцы брыгада нашых работнікаў тройчы аб'ехала ўсе шматкватэрныя дамы ў горадзе і ўбрала з падвалаў аконныя рамы, знятыя старыя дзверы, упакоўкі ад халадзільнікаў, рэшткі будаўнічых матэрыялаў і многае іншае. Заклікаю і жыхароў такога жылля беражліва адносіцца да агульнай маёмасці, разумна распараджацца месцамі агульнага карыстання. Чым лепш мы захаваем нашы пад'езды, тым менш вашых уласных сродкаў спатрэбіцца на іх рамонт.

 

— Але ж размову трэба весці не толькі пра пад'езды і падвалы…

 

— Сапраўды, гэта так. За апошнія гады не толькі падвальныя памяшканні, але і гарышчы мы неаднаразова абсталёўвалі запорамі, куплялі для іх замкі з тым, каб самі жыхары адчынялі і замыкалі дзверы толькі па меры неабходнасці. І ў некаторых дамах такая практыка прыжылася, але ж нярэдка запорныя прыстасаванні ламаюць, замкі выкідваць ці крадуць, а дзверы застаюцца адчыненымі.

Зусім нядаўна, у снежні мінулага года, усе запорныя прыстасаванні былі адноўлены, куплена патрэбная колькасць замкоў. Прапаную і пераканаўча прашу ўсіх жыхароў шматкватэрных дамоў дамовіцца між сабой, як і хто замыкае і адмыкае ўсе дзверы, у каго і дзе знаходзяцца ключы. Павінна стаць правілам, што падсобныя памяшканні, якімі ў гэты момант не карыстаюцца, павінны быць замкнёнымі.

 

А вось пастаянная "зімовая" праблема: часта жыхары шматкватэрных дамоў скардзяцца на дрэнную ачыстку ад снегу дваровых тэрыторый. У пэўнай ступені гэта звязана і з тым, што праезду снегаачышчальнай тэхнікі перашкаджаюць прыпаркаваныя легкавыя і грузавыя аўтамашыны. Па ўзгадненні з ДАІ ў бліжэйшы час будуць устаноўлены дарожныя знакі, якія забараняюць стаянку аўтамашын ля пад'ездаў у перыяд з 22 гадзін вечара да 7.00 раніцы. Аўтамабілі неабходна ставіць альбо ў гаражы, альбо на спецыяльна адведзеных  для гэтага пляцоўках. Напомню, што вялікагрузныя "фуры" можна размясціць на "начлег" на платнай аснове ў філіяле АТП №15 і райаграсэрвісе.

 

— На вуліцах і ў дварах райцэнтра стала больш чыста, і ўсё ж…

 

— З гэтым можна пагадзіцца. Толькі правільна кажуць, што чыста не там, дзе прыбіраюць, а там, дзе не смецяць. А ў нас нярэдка здараецца, калі асобныя грамадзяне адносяць пакет са смеццем не ў кантэйнер, а пакідаюць яго ў падвале, нават запіхваюць у ўрну ля пад'езда. Плёнка рвецца, смецце рассыпаецца, справу працягваюць вецер, бадзячыя каты і сабакі. Таму не трэба ўскладваць віну за антысанітарыю толькі на камунальную службу. А яшчэ паглядзіце, што робіцца ля дамоў вясной, калі растае снег! Усё ўсцелена акуркамі, абрыўкамі паперы і плёнкі, пластыкавымі бутэлькамі і многім іншым, што нярэдка выкідваецца з фортак і балконаў.

 

Камунальная служба раёна будзе імкнуцца лепш рабіць сваю частку работ па добраўпарадкаванні, санітарнай ачыстцы, падтрыманні жылля, дарог, вуліц і двароў у належным стане. Але трэба, каб і кожны жыхар райцэнтра разумеў сваю ролю і адказнасць у гэтай важнай справе.

 

Падрыхтаваў Леанід МАТЭЛЕНАК.


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar