На ўсіх этапах развіцця нашай дзяржавы служба ўчастковых інспектараў міліцыі займала і займае важнае месца ў сістэме органаў ўнутраных спраў. Прататыпамі сучаснага ўчастковага ўпаўнаважанага былі квартальны, участковы і акалотачны наглядчык, ураднік, старшы міліцыянер.
Народным камісарыятам ўнутраных спраў РСФСР 17 лістапада 1923 года была зацверджана Інструкцыя ўчастковаму наглядчыку горада, яна стала нарматыўным прававым дакумент, які паклаў пачатак фарміраванню інстытута ўчастковых інспектараў міліцыі. З 2005 года ў адпаведнасці з загадам МУС Рэспублікі Беларусь гэтая дата стала асаблівай для работнікаў участковых служб нашай краіны — яна адзначана як Дзень ўтварэння падраздзяленняў участовых інспектараў міліцыі і Дзень ўтварэння інспекцый па справах непаўналетніх органаў унутраных спраў.
Кіраўніцтва Міёрскага РАУС віншуе ўчастковых інспектараў міліцыі і ветэранаў з надыходзячым прафесійным святам і адрасуе ім словы падзякі за важкі ўклад у справу аховы грамадскага парадку, прафілактыкі і спынення правапарушэнняў, вырашэння задач па абароне здароўя, правоў і законных інтарэсаў грамадзян, падтрымання стабільнасці ў нашым маладым суверэнным беларускім грамадстве.
Паспяховаму выкананню пастаўленых аператыўна — службовых задач спрыяе багаты жыццёвы вопыт, высокі прафесіяналізм і вернасць абавязку.
У аддзяленні аховы правапарадку і прафілактыкі Міёрскага РАУС цяпер працуюць 2 старшыя ўчастковыя інспектары міліцыі — Віктар Альбертавіч Галуза і Аляксей Антонавіч Шчасны і 8 участковых інспектараў — Сяргей Сяргеевіч Матэленак, Мікалай Мікалаевіч Швед, Васіль Аляксандравіч Быкаў, Павел Аляксандравіч Танкавід, Аляксандр Канстанцінавіч Малыш, Віктар Вікенцьевіч Гардукевіч, Сяргей Ігаравіч Касімоўскі і Арцём Васільевіч Казачонак. Яны сваёй паўсядзённай працай уносяць важкі ўклад у стабілізацыю крымінальнага становішча ў раёне.
Напярэдадні прафесійнага свята участковых служб мы з прыемнасцю ўзгадваем пра ветэранаў, якія лепшыя гады свайго жыцця аддалі службе, сумленна выконвалі абавязкі, перадавалі прафесійны вопыт і веды маладому папаўненню. Кожнаму з іх-моцнага здароўя, бадзёрасці, сямейнага дабрабыту. Несумненна, найлепшыя пажаданні адрасуем і тым, хто прыйшоў ім на змену, хто цяпер падтрымлівае правапарадак на абслугоўваемых тэрыторыях, праяўляе ініцыятыўнасць і старанне. Кіраўніцтва Міёрскага РАУС жадае ім паспяховага выканання пастаўленых задач, і высокага аўтарытэту сярод калег і ў грамадстве.
С. ЛОНЬ, начальнік
Міёрскага РАУС;
У. УТКІН, начальнік
аддзялення аховы правапарадку
і прафілактыкі
Міёрскага РАУС.
