Deprecated: Methods with the same name as their class will not be constructors in a future version of PHP; SLClient has a deprecated constructor in /home/mijoryby/public_html1/setlinks_d2530/slclient.php on line 10
Грамадства
"Агеньчыкам" "Няхай восень жыцця будзе цёплай!" адзначыла раённая ветэранская арганізацыя Дзень пажылых людзей 1 кастрычніка. Актывісты ветэранскага руху, старшыні пярвічных арганізацый пабывалі на экскурсіях у музеях СШ №3, а потым правялі душэўную размову пра мінулае і цяперашняе ў зале тэрытарыяльнага цэнтра сацыяльнага абслугоўвання насельніцтва. Святочную праграму для іх вялі Таццяна Шульга і Ігар Сардыка, спявалі Дар'я Шук, Дзіяна Маляўка, Аляксей Астукевіч, Ядвіга Ганебная.
Удзельнікі выязнога пасяджэння прэзідыума раённага Савета дэпутатаў, на якім разглядаліся пытанні добраўпарадкавання, не- выпадкова наведалі машынны двор СУП "Павяцце". Уладкаваннем будынкаў і тэрыторыі тут займаліся і раней, але работа набыла мэтанакіраванасць з прыходам на дырэктарскі пост Л.І.Крука. Надзейным памочнікам кіраўніка ў гэтых справах стаў загадчык машыннага двара і нядаўні механізатар Рышард Любаміравіч Мутар.
Свята вёскі — падстава нагадаць пра мінулае, расказаць пра пра кожнага жыхара, прыпаднесці сяльчанам музычна-песенныя падарункі. А іх падрыхтавалі для насельнікаў Краснага, што ў Новапагосцкім сельсавеце, жаночая вакальная група Наўгародскага СДК і салісты Яўген Пяткевіч, Насця Талстова, Рэната Раманава, Наталія Сівая, Алена Купча і Вераніка Маляўка. Вялі мерапрыемства юныя Валерыя Раманава і Валера Паперадзень.
Хочацца актыўна адпачнуць, аднак не ведаеце, на чым спыніцца? Стаміліся сядзець за камп'ютарам, або думаеце пра тое, як арыгінальна адзначыць свята? Жадаеце стаць удзельнікам актыўнай гульні? Цяпер гэтыя пытанні вырашальныя, бо зусім нядаўна ў Міёрах распачаў дзейнасць клуб лазертага "Палігон Б2М". Пра цікавае новаўвядзенне нам расказаў яго арганізатар і кіраўнік Юрый Кураш.
Кожны год, калі наша краіна святкуе сваё галоўнае свята, раздаюцца тэлефонныя званкі ў доме Зоі Іванаўны Лаўрыновіч. Гэта родныя і блізкія спяшаюцца павіншаваць дарагога чалавека з днём нараджэння. З мноства шчырых пажаданняў вылучаецца самае галоўнае — добрага здароўя.
Калі ідзеш па вуліцы Маладзёжнай у Пад'ельцах, ля дома №15 міжволі спыняецца позірк і ўзнікае шчырая ўсмешка. Гаспадыня тут — Зінаіда Філіпава. Яна любіць прыгажосць з маладосці, шые, вышывае, змалку штукарыць у модзе — калісьці прыдумвала для сябе сукенкі. А зараз яе сядзібу ўпрыгожваюць не толькі кветкі, але і па-майстэрску расфарбаваныя фігуркі жывёл, вырабленыя з пенапласту.
Як зазначаюць дасведчаныя людзі, работа на ніве лёгкай прамысловасці "лёгкая" толькі на словах, а на самай справе — адна з самых складаных. І ў дзісенскім швейным цэху Віцебскага вытворчага аб'яднання "Віцябчанка" пра гэта ведаюць не па чутках. Першая палова года для прадпрыемства быў нялёгкім — прастойвалі, не было заказаў, аднак, нягледзячы на ўсё гэта, перашкоды былі пераадолены і зараз "Віцябчанка" зноў на плаву.
10 чэрвеня ў Тэрытарыяльным Цэнтры сацыяльнага абслугоўвання насельніцтва на справаздачна-выбарны сход сабраліся прадстаўнікі раённай пярвічнай арганізацыі беларускага таварыства інвалідаў па зроку. З прэзідыума неаднаразова гучала, што толькі разам можна пабудаваць канструктыўны дыялог, а таму ўсім удзельнікам трэба ўносіць уласныя прапановы і быць актыўнымі.
У сельгаспрадпрыемствах нашага раёна працуе 21 спецыяліст па штучным асемяненні буйной рагатай жывёлы. У большасці гаспадарак такіх работнікаў па адным, за выключэннем ААТ "Туркова", "Папшулі", "Узмёнскі край" і ВУПКУ "Міёрскі", дзе вялікія дойныя гурты і іх абслугоўваюць па два тэхнікі-асемянатары. 4 прафесіяналы маюць вышэйшую ветэрынарную адукацыю, яны працуюць у СУП "Цітова" і "Павяцце", ААТ "Пад'ельцы" і "Мікалаёўскі", 1—сярэднюю спецыяльную заатэхнічную (у ААТ "Чэрасы"), 1—ветфельчар (у ААТ "Узмёнскі край"), а ўсе астатнія тэхнікі-асемянатары закончылі спецыяльныя курсы.
