Deprecated: Methods with the same name as their class will not be constructors in a future version of PHP; SLClient has a deprecated constructor in /home/mijoryby/public_html1/setlinks_d2530/slclient.php on line 10
Раённую газету выпісвае кожны пяты жыхар Міёршчыны. У гэтым велізарная заслуга паштальёнаў, якія не толькі забяспечваюць стабільны тыраж выдання, але і своечасова дастаўляюць яго ў кожны дом. Па добрай традыцыі рэдакцыя рэгулярна наведваецца да паштавікоў, каб выказаць цёплыя словы ў адрас кіраўніцтва раённага вузла паштовай сувязі і яго супрацоўнікаў і падзякаваць за добрасумленную працу.
У народзе кажуць, што недахопы ў здароўі адной часткі цела кампенсуюцца павышанай працаздольнасцю іншай. "Я дзякую Богу за свае калецтва, якое дапамагло мне знайсці сябе,сваю працу і свайго Бога,— прызнавалася Хелен Келер, слепаглуханямая пісьменніца. Прыгадваецца яшчэ адзін яркі прыклад — калумбійская мастачка Zuly Sanguino, карціны якой вельмі таленавітыя, напоўнены святлом і жыццём і нясуць вялікі струмень станоўчай энергіі. Гледзячы на іх, не ўсведамляеш, што стваральніца пакутуе прыроджанай паталогіяй (няма рук і ног, а малюе яна, заціснуўшы пэндзаль у зубах).
Мікітка нарадзіўся 13 жніўня 2013 года вагой 4100. Цяжарнасць праходзіла ідэальна, усе аналізы і ўльтрагукавыя даследванні-у норме. Аднак пасля нараджэння ўрачы паставілі страшны дыягназ-дзіцячы цэрэбральны параліч. Спастычны тэтрапарэз 2-3 ступені (сутаргі ў анамнезе).
Пянькі, на якіх раскладзена ежа, імправізаванае вогнішча з сапраўднай салдацкай кашай, кубкі — фляжкі — міскі, зялёныя дрэўцы — у такіх дэкарацыях праходзіла пасяджэнне клуба "Бажэна", прысвечанае Дню Вялікай Перамогі. Ідэю афармлення прапанавалі супрацоўнікі раённай бібліятэкі, дзе праходзіла сустрэча, яны дапамаглі і ў арганізацыі.
Нярэдка ў жыцці чалавека сустракаюцца цяжкасці і непрыемнасці, на якія ўвесь час скардзімся, крыўдуем на сябе і іншых. Але не зважаем на самае галоўнае, што мы ў сваёй большасці здаровыя. А ёсць людзі, каму нашмат горш, бо яны маюць абмежаваныя магчымасці, але не спыняюцца перад цяжкасцямі, ідуць з горда ўзнятай галавой і, верагодна, яшчэ больш дастойна перажываюць жыццёвыя нягоды, чым здаровыя. Асновай гэтаму — духоўная загартоўка, з пастулатамі якой 28 красавіка ў тэрытарыяльным цэнтры сацыяльнага абслугоўвання знаёміліся інваліды, большасць з якіх — маладыя. У госці да іх завіталі святар з Цвеціна протаіерэй Васіль Мешчаракоў і старшая сястра міласэрнасці Міёрскай праваслаўнай царквы Святлана Асушчанка.
Ва ўсіх вёсках, якія раней з'яўляліся цэнтральнымі сядзібамі калгасаў і саўгасаў, дзейнічалі паштовыя аддзяленні сувязі. Аднак з цягам часу некаторыя населеныя пункты сталі неперспектыўнымі, пачаўся адток жыхароў ў гарады. У сувязі са змяншэннем сяльчан зменшыўся і попыт на паштовыя паслугі. Работа шэрагу аддзяленняў сувязі стала нерэнтабельнай, з-за чаго іх давялося зачыніць. Аднак, як тлумачыць начальнік раённага вузла паштовай сувязі Андрэй Эдуардавіч Масла, без прадугледжаных сацыяльнымі стандартамі паштовых паслуг сельскія жыхары не засталіся:
Родная вёска, дзе так спакойна і ўтульна душы, любімая справа, у якой удалося знайсці сябе, дружная сям'я, дзе пануюць узаемаразуменне і згода. Што яшчэ трэба, каб быць удзячным лёсу? Вось ужо 18 год як збылася мара Вольгі Міхнёнак жыць і працаваць на сваёй малой радзіме. У родных Басянках і прылеглых вёсачках жанчыну ведае кожны жыхар. І калі раптам у кагосьці падскочыць тэмпература ці занепакоіць сэрца, адразу раздасца тэлефонны званок на ФАПе ці загучыць мелодыя на мабільным фельчара. Здараецца гэта не толькі на працягу працоўнага дня. Нярэдка Вольга Мікалаеўна спяшаецца да сваіх падапечных у выхадныя і нават сярод ночы.
Міліцыянер Міёрскага аддзялення Дэпартамента аховы, прапаршчык Станіслаў Курловіч не толькі сур'ёзны і адказны, але ўмее пажартаваць і падтрымаць гутарку. Служыць у Дэпартаменце 22 гады, дзесяць — у групе затрымання, астатнія — ахоўнікам. На першай пасадзе цікава было назіраць за жыццём горада.
На раённую Дошку гонару заносяцца партрэты наступных перадавікоў вытворчасці і сацыяльнай сферы:
Анатоль Мікалаевіч МАТЭЛЕНАК.
Дырэктар адкрытага акцыянернага таварыства "Узмёнскі край". Узначальвае гаспадарку 35-ы год. Пад яго кіраўніцтвам сельгаспрадпрыемства па выніках мінулага года заняло першае месца ў раёне па вырошчванні алейнага насення рапсу, другое месца - па вытворчасці зерня, трэцяе агульнае месца сярод сельгасарганізацый. Умелы арганізатар, пастаянна клапоціцца пра ўкараненне сучасных тэхналогій у вытворчасць, механізацыю раслінаводства і жывёлагадоўлі, стварэнне належных умоў для працы і жыцця хлебаробаў, развіццё сельскай інфраструктуры.