9 кастрычніка — Сусветны дзень пошты
Сёлетнія 20-годдзе РУП "Белпошта" і Сусветны дзень пошты раённы вузел сувязі сустракае з добрым настроем. І на гэта маюцца важкія прычыны. З мінімальнымі стратамі завершана клопатная справа аптымізацыі, якая распачалася ў 2010 годзе. Па выніках вытворча-гаспадарчай дзейнасці ў І паўгоддзі 2015-га ў абласным спаборніцтве сярод калектываў вузлоў паштовай сувязі Міёрскі РВПС атрымаў перамогу. Першае месца прывезлі і з абласных спартыўных спаборніцтваў. У чым сакрэт поспеху?
ысокія вынікі—заслуга кожнага работніка: ад вадзіцеля да кіраўніцкага апарата,—адзначае начальнік раённага вузла паштовай сувязі Андрэй Масла.—Згуртаванасць і ўзаемаразуменне ў калектыве ўплываюць на якасць і эфектыўнасць работы. У склад РВПС уваходзіць 17 аддзяленняў сувязі, з якіх 2 гарадскія і 2 перасоўныя. Агульная колькасць супрацоўнікаў—117 чалавек. Паштальёны занятыя на 54 даставачных ўчастках, з якіх 48 сельскіх. Абслугоўваем 167 арганізацый. Большасць супрацоўнікаў з багатым прафесійным вопытам, таму моладзі заўсёды ёсць у каго вучыцца. У нас 25 ветэранаў працы, з якіх толькі 8 на заслужаным адпачынку. Гэта людзі, што адпрацавалі ў сферы паштовай сувязі больш за 20 год. Сёлета іх штат папоўняць начальнік АПС "Наўгароды" Алена Рамуальдаўна Мароз, паштальён даставачнага ўчастка "Басянкі" Мікалай Аркадзьевіч Кабяк і аператар сувязі Валянціна Панцялееўна Сядзюк. Граматай "110 год прафсаюзнага руху Беларусі" адзначаны начальнік ПАПС-2 Аляксандр Дзям'янаў. Ён працуе толькі 2 гады і ўжо паспеў зарэкамендаваць сябе сумленным і адказным работнікам.
—Першае месца ў абласным спаборніцтве—дадатковы стымул для далейшага развіцця і імкнення ўтрымаць пазіцыю лідара. На чым яна грунтуецца?
—Ацэнка ідзе па некалькіх паказчыках, асноўныя—апераджальны рост выручкі на аднаго сярэдняспіскавага работніка над тэмпам заработнай платы і выкананне зыходнага платнага абмену. Пад апошнім маюцца на ўвазе адпраўленне пісем і пасылак, грашовыя пераводы, падпісная кампанія. Заўважу, што паслугі "1 клас", лінейка "Камфорт", паскораная пошта EMS, як унутраная, так і міжнародная, карыстаюцца вялікім попытам і ў юрыдычных, і ў фізічных асоб. Значны ўклад ва ўкараненне сучасных паслуг і выкананне паказчыкаў уносяць АПС "Дзісна", "Язна", "Ідолта". Аднак і ў аддзяленнях, якія абслугоўваюць меншую колькасць насельніцтва, зацікаўлены ў добрым выніку. Трэба адзначыць, што па выручцы на аднаго жыхара, якая за 9 месяцаў склала 315 000 рублёў, лідзіруем не толькі ў вобласці, але і ў рэспубліцы. Выручка на адно аддзяленне за гэты ж перыяд—каля 400 мільёнаў. Тут саступаем толькі Полацку, Наваполацку, Віцебску і Оршы.
—У сувязі з аптымізацыяй у раёне рэарганізоўваліся сельскія аддзяленні сувязі. Наколькі "балючым" аказаўся гэты працэс?
—Практычна любое новаўвядзенне ўспрымаецца складана, але можна гаварыць, што ўсё прайшло без абвастрэнняў. Да рэарганізацыі падыходзілі з розных пазіцый. Улічвалася і колькасць насельніцтва, якая павінна складаць 2000 на адно аддзяленне, і статус населенага пункта—у аграгарадках АПС засталіся, і наяўнасць пэўных аб'ектаў сацыяльнай сферы. Вялася работа з насельніцтвам, чыё меркаванне вывучалі падчас падворных абходаў.
У выніку рэарганізавана 14 нерэнтабельных сельскіх АПС, аднак жыхарам населеных пунктаў, якія імі аблугоўваліся, па-ранейшаму даступны ўвесь спектр паштовых паслуг. Абмежаванне толькі ў часе іх прадастаўлення. Максімальна ўдалося захаваць працоўныя месцы работнікаў. Толькі ў асобных выпадках яны пераходзілі ў іншую сферу. У ліку апошніх рэарганізаваны АПС "Дрыгучы", "Завуцце" і "Новы Пагост". Цяпер у Дрыгучы ажыццяўляецца мотадастаўка, а ў Завуцці і Новым Пагосце насельніцтва абслугоўваюць паштальёны.
Ва ўсіх сельскіх аддзяленнях штат супрацоўнікаў укамплектаваны. Вакантнае месца толькі ў АПС "Мікалаёва". Пакуль што туды выязджае работнік з Міёр. Зразумела, гэта нязручна і для аператара, і для мясцовых жыхароў. Шукаем пастаяннага работніка і разлічваем, што ў хуткім часе пытанне будзе вырашана. Да прыкладу, у Чапуках нядаўна прыступіла да працы малады спецыяліст.
—Работнікі раённага вузла паштовай сувязі пастаянна ўдзельнічаюць у абласных спартыўных спаборніцтвах. Сабраць каманду—складаная справа?
—Удзел у спаборніцтвах—гэта добрая традыцыя калектыву, якую актыўна падтрымлівае маладое папаўненне. Кожны раз вяртаемся з прызавымі месцамі, за што прадугледжваецца матэрыяльнае заахвочванне. Напярэдадні нашы спартсмены трэніруюцца. Маецца ўласная спартыўная зала з неабходным інвентаром.
—Што пажадаеце супрацоўнікам з нагоды 20-годдзя прадпрыемства і Сусветнага дня пошты.
—Шчыра ўдзячны ўсім нашым работнікам за адказнае і добрасумленнае выкананне няпростай справы. Кожны з іх працуе на агульны поспех. Асобныя словы ўдзячнасці ветэранам, уклад якіх у развіццё паштовай сувязі ў раёне складана пераацаніць. Жадаю ўсім добрага здароўя, бадзёрага настрою, жыццёвага аптымізму, дабрабыту ў сем'ях і новых дасягненняў у працы.
Гутарыла Кацярына РЫНКЕВІЧ.
Фота К. БЛАЖЭВІЧА.
Высокія вынікі—заслуга кожнага работніка: ад вадзіцеля да кіраўніцкага апарата,—адзначае начальнік раённага вузла паштовай сувязі Андрэй Масла.
—Згуртаванасць і ўзаемаразуменне ў калектыве ўплываюць на якасць і эфектыўнасць работы. У склад РВПС уваходзіць 17 аддзяленняў сувязі, з якіх 2 гарадскія і 2 перасоўныя. Агульная колькасць супрацоўнікаў—117 чалавек. Паштальёны занятыя на 54 даставачных ўчастках, з якіх 48 сельскіх. Абслугоўваем 167 арганізацый. Большасць супрацоўнікаў з багатым прафесійным вопытам, таму моладзі заўсёды ёсць у каго вучыцца. У нас 25 ветэранаў працы, з якіх толькі 8 на заслужаным адпачынку. Гэта людзі, што адпрацавалі ў сферы паштовай сувязі больш за 20 год.
Сёлета іх штат папоўняць начальнік АПС "Наўгароды" Алена Рамуальдаўна Мароз, паштальён даставачнага ўчастка "Басянкі" Мікалай Аркадзьевіч Кабяк і аператар сувязі Валянціна Панцялееўна Сядзюк. Граматай "110 год прафсаюзнага руху Беларусі" адзначаны начальнік ПАПС-2 Аляксандр Дзям'янаў. Ён працуе толькі 2 гады і ўжо паспеў зарэкамендаваць сябе сумленным і адказным работнікам.
—Першае месца ў абласным спаборніцтве—дадатковы стымул для далейшага развіцця і імкнення ўтрымаць пазіцыю лідара. На чым яна грунтуецца?
—Ацэнка ідзе па некалькіх паказчыках, асноўныя—апераджальны рост выручкі на аднаго сярэдняспіскавага работніка над тэмпам заработнай платы і выкананне зыходнага платнага абмену. Пад апошнім маюцца на ўвазе адпраўленне пісем і пасылак, грашовыя пераводы, падпісная кампанія. Заўважу, што паслугі "1 клас", лінейка "Камфорт", паскораная пошта EMS, як унутраная, так і міжнародная, карыстаюцца вялікім попытам і ў юрыдычных, і ў фізічных асоб.
Значны ўклад ва ўкараненне сучасных паслуг і выкананне паказчыкаў уносяць АПС "Дзісна", "Язна", "Ідолта". Аднак і ў аддзяленнях, якія абслугоўваюць меншую колькасць насельніцтва, зацікаўлены ў добрым выніку. Трэба адзначыць, што па выручцы на аднаго жыхара, якая за 9 месяцаў склала 315 000 рублёў, лідзіруем не толькі ў вобласці, але і ў рэспубліцы. Выручка на адно аддзяленне за гэты ж перыяд—каля 400 мільёнаў. Тут саступаем толькі Полацку, Наваполацку, Віцебску і Оршы.
—У сувязі з аптымізацыяй у раёне рэарганізоўваліся сельскія аддзяленні сувязі. Наколькі "балючым" аказаўся гэты працэс?
—Практычна любое новаўвядзенне ўспрымаецца складана, але можна гаварыць, што ўсё прайшло без абвастрэнняў. Да рэарганізацыі падыходзілі з розных пазіцый. Улічвалася і колькасць насельніцтва, якая павінна складаць 2000 на адно аддзяленне, і статус населенага пункта—у аграгарадках АПС засталіся, і наяўнасць пэўных аб'ектаў сацыяльнай сферы. Вялася работа з насельніцтвам, чыё меркаванне вывучалі падчас падворных абходаў.
У выніку рэарганізавана 14 нерэнтабельных сельскіх АПС, аднак жыхарам населеных пунктаў, якія імі аблугоўваліся, па-ранейшаму даступны ўвесь спектр паштовых паслуг. Абмежаванне толькі ў часе іх прадастаўлення. Максімальна ўдалося захаваць працоўныя месцы работнікаў. Толькі ў асобных выпадках яны пераходзілі ў іншую сферу. У ліку апошніх рэарганізаваны АПС "Дрыгучы", "Завуцце" і "Новы Пагост". Цяпер у Дрыгучы ажыццяўляецца мотадастаўка, а ў Завуцці і Новым Пагосце насельніцтва абслугоўваюць паштальёны. Ва ўсіх сельскіх аддзяленнях штат супрацоўнікаў укамплектаваны. Вакантнае месца толькі ў АПС "Мікалаёва". Пакуль што туды выязджае работнік з Міёр. Зразумела, гэта нязручна і для аператара, і для мясцовых жыхароў. Шукаем пастаяннага работніка і разлічваем, што ў хуткім часе пытанне будзе вырашана. Да прыкладу, у Чапуках нядаўна прыступіла да працы малады спецыяліст.
—Работнікі раённага вузла паштовай сувязі пастаянна ўдзельнічаюць у абласных спартыўных спаборніцтвах. Сабраць каманду—складаная справа?
—Удзел у спаборніцтвах—гэта добрая традыцыя калектыву, якую актыўна падтрымлівае маладое папаўненне. Кожны раз вяртаемся з прызавымі месцамі, за што прадугледжваецца матэрыяльнае заахвочванне. Напярэдадні нашы спартсмены трэніруюцца. Маецца ўласная спартыўная зала з неабходным інвентаром.
—Што пажадаеце супрацоўнікам з нагоды 20-годдзя прадпрыемства і Сусветнага дня пошты.
—Шчыра ўдзячны ўсім нашым работнікам за адказнае і добрасумленнае выкананне няпростай справы. Кожны з іх працуе на агульны поспех. Асобныя словы ўдзячнасці ветэранам, уклад якіх у развіццё паштовай сувязі ў раёне складана пераацаніць. Жадаю ўсім добрага здароўя, бадзёрага настрою, жыццёвага аптымізму, дабрабыту ў сем'ях і новых дасягненняў у працы.
Гутарыла Кацярына РЫНКЕВІЧ.
Фота К. БЛАЖЭВІЧА.