З выдатным настроем вярнуліся міярчане з рэгіянальнага фестывалю дзіцячай творчасці "Двина-Дзвіна-Daugava", што праходзіў у Верхнядзвінску напрыканцы мая. Па-першае, таму што шмат пазітыўных уражанняў пакінула само свята, куды з'ехаліся творчыя дэлегацыі з Расіі, Польшчы і Прыбалтыкі. Па-другое, таму што нашым удалося ўзняцца на п'едэстал пераможцаў. У конкурсе культарганізатараў дзіцячых гульнёвых праграм "Вясёлкавы карагод", дзе спаборнічалі 9 удзельнікаў з вобласці, яны занялі трэцяе месца. Міёрскі тэатр гульні "Фантазёры", якім кіруе Алена Шангіна, прадставіў праграму "У гасцях у клоўнаў". З іх ролямі выдатна справіліся рэжысёр РДК Аляксей Гайдзель і вучаніцы СШ №1 Яна Шмарлоўская і Паліна Мацвеева.
Дыпломам за другое месца ў конкурсе "Ззянне моды-2013" узнагароджаны ўзорны тэатр авангарднай моды РДК "Говорящие модели". 18 юных модніц з Міёр паказалі журы і гасцям фестывалю дзве калекцыі — "Капрыз" і "Аліса ў краіне цудаў". Пастараліся самі дзяўчаты, іх ідэйны натхняльнік Святлана Яроменак (мастацкі кіраўнік РДК), харэографы Аляксандра Катышава (настаўнік ДШМ) і Юлія Блажэвіч (настаўнік СШ №2). Трэба адзначыць, што другое месца міярчане падзялілі з удзельнікамі з Оршы, а першае ўступілі модніцам з Віцебска і Масквы.
Трэцяе месца ў конкурсе культарганізатараў для нашых удзельнікаў было нечаканым, а таму прыемным удвая.
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
Спасибо Андрюха. Только мы с Леной всё делаем вместе.Я без неё как без рук или без ног.А может и без того и без другого. Короче говоря, она мой идейный вдохновитель и администратор моей плодотворной работы. В общем, молодцы мы!
