У Дзень маці жанчыны, якія завуцца гэтым светлым словам, сабраліся ў тэрытарыяльным цэнтры сацыяльнага абслугоўвання, каб разам адзначыць сваё свята. Сімвалічна, што першымі матуль павіншавалі мужчыны — Дзіма Максіменка і яго кіраўнік Ігар Лавец выканалі для іх музычную кампазіцыю на баянах.
Шмат цёплых слоў у адрас прысутных сказалі намеснік старшыні райвыканкама Марыя Мікалаеўна Баніфатава і намеснік начальніка аддзела ідэалагічнай работы, культуры і па справах моладзі Таццяна Алегаўна Стальмачонак. Яны адзначылі, што маці—вельмі важны чалавек у жыцці кожнага, бо менавіта ад яе залежыць захаванне сямейнага ачага і дабрабыту і пажадалі прысутным здзяйснення ўсіх мар, здароўя і даўгалецця.
Ніхто не павіншуе маці лепш, чым уласныя дзеці. Сваім выступленнем выклікалі замілаванне, а многіх нават расчулілі да слёз малышы, якія падрыхтавалі невялікую культурную праграму — чыталі вершы, спявалі і танчылі. Не дзіўна, што пачынаючыя артысты сарвалі сапраўдны шквал апладысментаў.
Для праваслаўных вернікаў Дзень маці — двайное свята, бо 14 кастрычніка адзначаецца і Пакроў Прасвятой Багародзіцы. Настаўнік нядзельнай школы Таццяна Міхайлаўна Пацеенак расказала прысутным гісторыю ўзнікнення свята і перадала жанчынам самыя цёплыя віншаванні ад благачыннага акругі айца Віктара. Разам са Святланай Мікалаеўнай Асошчанка яны ўручылі кожнай жанчыне падарункі ад царквы—невялікі абразок і асвечаную свечку.
У гэты асаблівы для ўсіх дзень не раз прагучалі імёны тых маці, якія адзначаны ганаровымі званнямі і ўзнагародамі. Гэта маці-гераіні А. В. Марцілёнак, М. І. Вярковіч, М. В. Талапіла. Ордэнам маці ўзнагароджаны А. І. Анашка, Г. П. Вішнеўская, А. П. Драба, Т. У. Званская, Т. З. Каськевіч, К. І. Кавалёнак, З. А. Матэленак, Г. Я. Няміра, В. І. Пашкевіч., С. Г. Рудзь, А. З. Сташулёнак, Л. А. Маркевіч, А. М. Гаўрыльчык, Т.І. Малыш, Т. Р. Шчарбіцкая, Т. І. Баўтот, І. В. Шавякова. Прэміяй імя Героя Савецкага Саюза З. М. Тусналобавай-Марчанка заахвочаны З. А. Філіпава, А. В. Арцімовіч, І. М. Забароўская, Л. А. Вашкель, М. С. Рубанік, Г. А. Няміра, З. П. Мятла, А. З. Сташулёнак, Т. Л. Вішнеўская, І. П. Шымуковіч, Г. Я. Якушына, В. А. Лаўрова, Г. А. Чабок, І. В. Мільяновіч, Г. Э. Пальчэх, А. І. Шаўчонак, Т. В. Жук. Асобнай увагі ўдастоены прыёмныя маці і маці-выхавацелі В. А. Бялько, А. М. Гоч, А. М. Каранеўская, Л. А. Шчарбіцкая, А. А. Слуцкая, Т. В. Цімафеева, В. Ц. Катышава, Р. П. Кулянок, І. В. Шавякова, В. А. Ядрэўская, Ж. Я. Лашына, Т. С. Кліменцьева.
Сваімі выступленнямі парадавалі прысутных Аляксандра Мацвеева, якая выканала кампазіцыю на сінтазатары, Паліна Казачонак, Алена Касевіч і Валянціна Пундзіс спявалі, Дзмітрый Ляўко сыграў на гітары, парадаваў рэпертуарам хор вакальнай групы дзіцячай школы мастацтваў. Вельмі спадабаліся гасцям і гульні, праведзеныя псіхолагам Алай Генадзьеўнай Федарэц.
Непаўторны ўрачысты настрой быў створаны дзякуючы майстэрству вядучых — Валянціны Пундзіс і Таццяны Шульга.
Прыемным заканчэннем мерапрыемства стала жартоўная латарэя, падчас якой кожная з матуль атрымала памятны сувеніры ад ТЦСАН, а таксама падарункі ад раённай арганізацыі Рэспубліканскага грамадскага аб'яднання "Белая Русь". Спонсарамі сустрэчы выступілі мясакамбінат і хлебазавод.
Арына БАРКОЎСКАЯ.
Фота Казіміра БЛАЖЭВІЧА.