Заўтра на фестывалі нацыянальных культур
рускую дыяспару
прадставіць творчая сям'я Філіпавых. Яны ўжо гатовы да "бою". Будуць браць п'едэстал перамогі сваёй харызмай, майстэрствам выканання і, канечне ж, адзінствам музычнага таленту.
Заўтра на фестывалі нацыянальных культур рускую дыяспару прадставіць творчая сям'я Філіпавых. Яны ўжо гатовы да "бою". Будуць браць п'едэстал перамогі сваёй харызмай, майстэрствам выканання і, канечне ж, адзінствам музычнага таленту.
Удзельнічаюць у падобнай імпрэзе другі раз. Раней дэманстравалі свае выступленні кожны паасобку, а зараз прадставяцца ансамблем—тата Сяргей Філіпаў і дочкі Марына і Анастасія. Сын Арсеній, на жаль, не змог прыехаць, бо цяпер у Маскве. Там вучыцца ў акадэміі імя Гнесіных, грае ў аркестры народных інструментаў на тэлеканале "Расія 1". Насця скончыла музычнае вычылішча імя Глінкі, працягвае вучобу ў сталічнай акадэміі музыкі. Марына цяпер выхоўвае паўтарагадовага сына Лёшу, ды не прамінае сцэны. Актыўнічаюць у творчасці з мужам. На ўласнай студыі пішуць фанаграмы, аранжыроўкі.
Вядомым сумесным праектам "Сям'я Філіпавых" кіруе тата Сяргей Арсеньевіч. Выступаюць разам не толькі ў раёне, але і вобласці, Палацы рэспублікі і на адкрытых пляцоўках сталіцы. У асноўным, з нагоды да прафесійных свят. Не так даўно Філіпавы скаралі Маскву на шоу-праекце "Наш выхад", іх куратарам стаў знакаміты Алег Газманаў. Пазнаёміліся плённа. Расійскі артыст паабяцаў працягваць творчыя зносіны з таленавітай сям'ёй, супрацоўнічаць.
Заўтра землякі выканаюць тую ж песню, што і колісь на праекце, з кінафільма "31 ліпеня" "Чакаю цябе". Па ўмовах фестывалю дастаткова адной кампазіцыі. Але на ўсялякі выпадак гатовы выканаць і другую—аўтарскую—"Спявай, скрыпка", словы і музыку да якой напісала Марына Філіпава. Пажадаем поспехаў нашым артыстам!
Алена БАСІКІРСКАЯ.
Фота Казіміра БЛАЖЭВІЧА.