На званне аднаго з сямі цудаў Беларусі можа прэтэндаваць і аб’ект нашага раёна.
Праект “Сем цудаў Беларусі”, які праводзіць “Народная газета” сумесна з нашай рэдакцыяй, выходзіць на фінішную прамую. У галасаванні на першым этапе, якое завяршылася на сайце “НГ” www.ng.by, прыняло ўдзел больш за 40 тысяч наведвальнікаў. Выбрана па некалькі аб’ектаў-пераможцаў.З 15 сакавіка да 1 мая на сайце праводзіцца наступны этап галасавання — абласны. Аб’екты-пераможцы з кожнага раёна цяпер прэтэндуюць на перамогу ў ім і на выхад у наступны этап — рэспубліканскі, які будзе праводзіцца на сайце з 15 мая да 1 ліпеня.
Шанцы трапіць у фінал у кожнага раёна роўныя. Усё залежыць ад нашай актыўнасці і патрыятызму, шаноўныя землякі, бо выбірацца фіналісты будуць па колькасці аддадзеных за іх галасоў і набраных імі балаў. А хто будзе галасаваць за наш раён, як не мы з вамі!?
Спадзяёмся, раўнадушных не будзе. Дастаткова зайсці на сайт “Народнай газеты” www.ng.by, клікнуць на ссылку “Сем цудаў Беларусі”, знайсці там сваю вобласць, а ў ёй — свой раён і выставіць прапануемым аб’ектам адзнаку па сямібальнай шкале. Ніхто не асудзіць, калі паставіце ўсім — сямёркі.
Нагадваем яшчэ раз: галасаванне будзе доўжыцца да 1 мая. А з 15 мая пачнецца наступны этап—рэспубліканскі. Аб’екты тых раёнаў, якія ў яго трапяць, будуць прэтэндаваць на званне ЦУДА БЕЛАРУСІ і стануць вядомыя на ўсю краіну. Ці будуць у гэтым пачэсным спісе нашы мясціны — залежыць толькі ад нас з вамі.
Рэдакцыя газеты “Міёрскія навіны”