Сайт Раённай газеты Міёрскія навіны
 
Навигация на сайте:
» Навіны » Два па 55
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Верасень 2021    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
26-07-2011, 09:39 Навіны  ] • Два па 55   |  
 
Назва:      

ЮБІЛЕЙДва па 55
 
Здараецца ж такое: кіраўніку будаўнічай арганізацыі ПМК-55 Валерыю Мікалаевічу Брылю 21 ліпеня споўнілася 55 гадоў. Спалучэнне аднолькавых лічбаў звярнула на сябе ўвагу і дало падставу расказаць пра гэтага чалавека больш падрабязна. Але Валерый Мікалаевіч наадрэз адмовіўся размаўляць з журналістам і тым больш фатаграфавацца. “Нават на Дошку гонару не фатаграфуюся”, пачулася ў адказ.

Трэба было дзейнічаць па запасному варыянту: вось ён.

 

Даведка

Брыль В. М. нарадзіўся 21 ліпеня 1956 года ў г. Глыбокае. Закончыў Наваполацкі політэхнічны інстытут па спецыяльнасці прамысловае і грамадзянскае будаўніцтва. Па накіраванню пачаў працаваць прарабам у Глыбоцкай ПМК з 14 жніўня 1978 года, пераводам заняў пасаду галоўнага інжынера Міёрскай ПМК-55 29 чэрвеня 1983 года. 17.07.1985 г. прызначаны кіраўніком перасоўнай механізаванай калоны.

Намеснік начальніка старшыні райвыканкама Л. І. Лясовіч, які курыруе пытанні будаўніцтва на Міёршчыне, характарызуе Валерыя Мікалаевіча па-дзелавому скупа: высокакваліфікаваны спецыяліст, граматны работнік, выдатны арганізатар. Аператыўна вырашае ўсе пытанні. Добры псіхолаг, разбіраецца ў людзях і стараецца іх падтрымаць. Узначальваемая ім Міёрская ПМК-55 у ліку лепшых у трэсце “Полацксельбуд”. Прыкладны сем’янін.

 

Галоўны інжынер ПМК-55 Л. І. Касевіч:

— Кажуць, што 55 для мужчыны не юбілейная дата, а толькі рубеж для ацэнкі пройдзенага. Для майго кіраўніка гэтая лічба мае яшчэ і непасрэдную сувязь з назвай узначальваемага прадпрыемства, з якім ён непарыўна звязаны без малога 30 гадоў. Так, Валерый Мікалаевіч больш чвэрці стагоддзя бяззменна кіруе самай вялікай будаўнічай арганізацыяй Міёршчыны. Лёс звёў мяне з ім менавіта ў пачатку яго кіраўніцкага шляху. Тады я, выпускнік Міёрскай СШ №1, атрымаў мэтавае накіраванне на навучанне ў Наваполацкі політэхнічны інстытут ад ПМК-55 па спецыяльнасці інжынер-будаўнік. У перасоўнай калоне праходзіў вытворчую практыку, яшчэ студэнтам пазнаёміўся з калектывам, лінейнымі інжынерна-тэхнічнымі работнікамі і кіраўніком. Маштабы выконваемых работ уражвалі, а ўсім гэтым складаным механізмам кіраваў малады, энергічны, мэтанакіраваны, прафесійна падрыхтаваны і таленавіты кіраўнік Валерый Мікалаевіч Брыль. Потым на працягу 10 гадоў пад яго кіраўніцтвам у якасці майстра-прараба ўзводзіў вытворчыя і жылыя аб’екты, займаўся стварэннем інжынернай інфраструктуры і сацыяльнай сферы на Мёршчыне і за яе межамі, нават у Расіі. Заўсёды адчуваў высокую патрабавальнасць кіраўніка да сябе і інжынерна-тэхнічных работнікаў. Энергіі і мэтанакіраванасці гэтага чалавека можна пазайздросціць. У самых складаных сітуацыях ён не губляе вытрымку, валодае сабой і знаходзіць адзіна магчымыя шляхі вырашэння вытворчых праблем.

 

Ужо больш 10 гадоў працую на пасадзе галоўнага інжынера ПМК-55, з’яўляюся своеасаблівым “другім нумарам” у арганізацыі. Часам задумваюся над тым, што змянілася за гэты час? Узведзена шмат аб’ектаў, абнавіўся калектыў, мадэрнізаваны вытворчыя магутнасці, памянялася структура і спецыфіка будоўляў, іншымі сталі ўнутраны свет і погляды будаўнікоў. З’явіліся новыя машыны і механізмы. Нязменным застаўся кіраўнік калектыву, які знаходзіўся ля руля ўсіх пераўтварэнняў. Нібы час не падуладны над гэтым чалавекам, ён па-ранейшаму энергічны, рашучы, патрабавальны. Без гэтага цяпер немагчыма захаваць калектыў, развіваць яго вытворчы патэнцыял. А яшчэ Валерый Мікалаевіч сапраўдны сем’янін, які бязмежна любіць сваіх блізкіх і родных.

 

З нерасказанага Валерыем Мікалаевічам:

— Цяпер у вас водпуск, чым будзеце займацца?

— Буду ў няньках, бо прыязджаюць мае любыя ўнучкі, а ім адпаведна 9 і 3 гады. Некалі двойчы ездзіў адпачываць у Туапсэ, дзе ўпершыню пабачыў мора. А цяпер адпачынак з тэлефонам ля вуха, бо не парываю сувязі з вытворчымі справамі.

 

— Адпачынак па-дамашняму, гэта што?

— Вясной гэта градкі ў агародзе, якія потым даводзіцца рэгулярна паліваць. Яшчэ ў канцы чэрвеня яны парадавалі першымі агуркамі, а цяпер і памідоры пачаліся. У парніках спеюць гібрыдныя гатункі, а на адкрытай градцы — чэры, дробныя, але ўраджайныя і смачныя. Раннюю капусту ўжо спажылі.

 

Патрабуюць часу яблыні, грушы, чарэшні. Даглядаю вінаград, у садзе некалькі гатункаў, у тым ліку “Алёшанькін”. Новае папаўненне “Міраж”, “Цімур”.

Раней у лесе збіраў ягады, цяпер — толькі грыбы. Ведаю, дзе растуць баравікі і апёнкі.

Па субботах — свая лазня з парылкай.

 

— А як са спортам?

— У маладосці захапляўся баскетболам, а цяпер пераважна бокс і футбол па тэлевізары, іншыя спартыўныя праграмы, нават калі перадачы ідуць глыбокай ноччу. Ды яшчэ навіны, фільмамі асабліва не захапляюся.

 

— Час на друкаваныя СМІ знаходзіце?

— Рэгулярна сачу за газетамі “Советская Белоруссия”, “Віцебскі рабочы”, “Міёрскія навіны”. Шукаю навінкі ў часопісах “Дом”, “Прыгожыя дамы”, “Драўляныя дамы” і іншых. У іх нямала звестак пра новыя будаўнічыя матэрыялы і тэхналогіі, сучаснае афармленне інтэр’ераў. Тады міжволі рука цягнецца да алоўка і паперы, каб прадугледзець, як навінка будзе глядзецца ва ўласным доме ці ў жыллі каго з сяброў. Цяпер думаю над асучасваннем і ўдасканальваннем кухні.

 

— Па ўсяму бачна, што інжынер-будаўнік умее забіць цвік не толькі ў сваёй кватэры?

— Дапамагаю бацькам, якія жывуць у Глыбокім. А бацьку, былому партызану, ужо 84. Яму асабліва патрэбна падтрымка ў дамашніх справах.

— Якім багаццем ганарыцеся?

— У маіх дзвюх дачок цудоўныя мужы і дзве прыгажуні-унучачкі—радасць нашай сям’і.

 

Інтэрв’ю не праводзіў Леанід МАТЭЛЕНАК.

 

 

 

 

 

 

 

 


 (галасоў: 1)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar