22 верасня пройдзе чарговая міжнародная акцыя “Дзень без аўтамабіля”. Яе арганізатары — міністэрствы прыроды, унутраных спраў, транспарту і камунікацый.
Мерапрыемства добраахвотнае, але заклікаем прыняць у ім удзел, паколькі аўтамабіль негатыўна ўздзейнічае на здароўе планеты. У рэспубліцы за дзень транспарт выкідвае больш 3000 тон забруджваючых рэчываў. А гэта свінец і бінзаперын, якія выклікаюць рак, свінцовыя атручванні, бранхіяльныя і лёгачныя хваробы.
Правядзенне аднадзённай акцыі не ліквідуе праблему, аднак можа звярнуць увагу грамадскасці на экалогію гарадоў, якасць паветра. Уплыў чалавека на здароўе, сваё і дзяцей, нельга недаацэньваць.
Н. ЛАЎРЫНОВІЧ,
спецыяліст Міёрскай
інспекцыі ПР і АНА.