За 9 месяцаў у раёне зарэгістравана 9 самазабойстваў, гэта — на 2 больш чым летась. Дарэчы, трое грамадзян пайшлі на самагубства не з першай спробы, а ў мінулым годзе былі 2 такія выпадкі.
Замахаў на ўласнае жыццё сёлета зроблена ажно 18, у тым ліку жанчынамі 10, за адпаведны перыяд леташняга года — 12 (жанчынамі — 8, хаця ў лік самазабойцаў яны не трапілі).
Небяспечна “рэкорднымі” ў раёне адзначаны 2006 і 2009 гады, па 17 чалавек добраахвотна развіталіся з жыццём. У 2010 годзе такіх было 10, хаця замахаў на самазабойства — 17.
Трывожыць, што сёлета ўжо страцілі 9 грамадзян (усе мужчыны).
У гэтым годзе з 9-ці самагубаў 7 — былі ў стане алкагольнага ап’янення. Па сацыяльнаму стан — 3 працуючыя, 5 беспрацоўных і 1 пенсіянер. З ліку раней судзімых — 1.
Які ж узрост самазабойцаў? 2-ое — ад 18 да 29 гадоў, 4 — ад 30 да 44, 2 — ад 45 да 60 і 1 — старэй 60.
Што стала асноўнай прычынай развітання з жыццём? Для 4 чалавек — алкагольны стан, 1-го — захворванне, 2-х — міжасабовыя канфлікты і астатніх — сукупнасць некалькіх прычын.
Ва ўсіх выпадках па паведамленнях аб самазабойствах на месца здарэння выязджалі работнікі пракуратуры, супрацоўнікі міліцыі, эксперты-крыміналісты і судова-медыцынскія эксперты.
М. ХАТКЕВІЧ,
следчы пракуратуры.