12 лістапада праходзіла рэспубліканская акцыя “Не марнатраў сваё жыццё!” Яна пачыналася адначасова ў 11 гадзін ва ўсіх абласных і раённых цэнтрах. Арганізатарамі выступілі Міністэрства па надзвычайных сітуацыях і Беларуская маладзёжная грамадская арганізацыя выратавальнікаў-пажарных. Мерапрыемства ставіла мэтай засяроджванне ўвагі грамадскасці да праблемы ўзрастаючай гібелі людзей на пажарах па прычыне неасцярожнага абыходжання з агнём пры курэнні.
Акцыя праводзілася з выкарыстаннем грамадскага транспарту, іншых транспартных сродкаў, а пры немагчымасці гэтага — у месцах масавага знаходжання людзей. Актывісты БМГАВП і работнікі МНС, рухаючыся па маршруце грамадскага транспарту, расказалі пасажырам аб небяспецы курэння ў ложку, раздалі інфармацыйныя лістоўкі. Там, дзе быў задзейнічаны іншы транспарт, ён рухаўся па раней вызначаным “Маршруце бяспекі”, актывісты вялі работу і раздавалі наглядна-выяўленчую прадукцыю на прыпынках і ў месцах масавага знаходжання людзей. За час правядзення першага этапа задзейнічана больш 70000 чалавек па ўсёй краіне.
Акцыя “Не марнатраў сваё жыццё!” працягнецца 26 лістапада. У кожным рэгіёне краіны на адкрытых пляцоўках, рынках, у гандлёвых цэнтрах пройдуць тэатралізаваныя прадстаўленні, выступяць агітбрыгады юных выратавальнікаў-пажарных. Мовай мастацтва ўдзельнікі мерапрыемства раскажуць аб смяртэльнай небяспецы, што тоіцца ў непатушанай цыгарэце. Такім чынам, гэта будзе чарговая спроба данесці важную інфармацыю да кожнага і паўплываць на праблему.
Навукова-даследчы інстытут
пажарнай бяспекі і
праблем надзвычайных сітуацый.