Намеснік старшыні райвыканкама М. М. Баніфатава правяла нараду па ажыццяўленні праграмы “Мемарыял”, якая прадугледжвае ўдакладненні спісаў землякоў, што змагаліся на франтах у гады вайны, воінаў, якія загінулі на тэрыторыі раёна, пашпартызацыю пахаванняў і многае іншае. Адзначана, што гэтую работу неабходна праводзіць больш настойліва.
У бліжэйшы час рэальнасцю можа стаць перавыданне раённай кнігі “Памяць”. Да гэтай важнай справы трэба рыхтавацца: дапаўняць спісы, збіраць новыя матэрыялы, весці пошук у архівах.
Вялася гаворка і пра магчымыя варыянты ўстаноўкі мемарыяльнай дошкі, прысвечанай нашаму земляку Герою Савецкага Саюза Ягору Томку.
Л. АЛЯКСАНДРАЎ.