У Латвіі ў Вярэмскай воласці, за 5 кіламетраў ад цэнтра горада Рэзэкнэ, у час святкавання дзён Рэзэкненскага края ў рамках праекта "Bella Cuisine" 20 ліпеня прайшоў кулінарны фестываль. На ім можна было прадэгуставаць і купіць сельскія прадукты і стравы, прыгатаваныя па старажытных рэцэптах Віцебскай і Латгальскай кулінарнай спадчыны — печаны хлеб, сялянскі сыр, вэнджанае ў лазні мяса, рыбны суп, дранікі, піражкі з мясам і шмат іншага. Міёршчыну прадстаўлялі Лілія Іванаўна Арцімёнак з аграсядзібы "Дастатак" і Ірына Максімаўна Савуціч, гаспадыня сядзібы "У Пятровіча".
Увогуле наш раён з'яўляецца ўдзельнікам праекта трансгранічнай праграмы супрацоўніцтва Латвіі, Літвы і Беларусі "Bella Cuisine". Яго мэта — паляпшэнне кулінарнай дзейнасці ў Латгальскім і Віцебскім рэгіёнах, грунтуючыся на канцэпцыі кулінарнай спадчыны, што садзейнічала б павышэнню працоўнага патэнцыялу і прадпрыемстваў сфер харчавання і разнастайнасці традыцыйнай кухні. У праекце прымаюць удзел па 30 прадпрыемстваў сферы харчавання згаданых рэгіёнаў. Ад нашага раёна ў ім удзельні-чаюць райпа, аграсядзібы "Белыя росы", "Дастатак", Мазурны бераг", "У Пятровіча", "Сядзіба Бабы Мароз".
Падрыхтавала В. ВІШНЕЎСКАЯ.
