У сёлетнім абласным конкурсе прафесійнага майстэрства работнікаў паштовай сувязі ўдзельнічала каманда паштавікоў з Міёршчыны. Яна вярнулася з Віцебска з мікрахвалевай печчу і сувенірамі. Гонар нашых сувязістаў адстойвалі паштальён з Язна Валянціна Мікалаеўна Козырава і аператар паштовай сувязі з Дзісны Святлана Яўгенаўна Мятла.
Конкурс праходзіў у тры этапы. На першым шляхам тэсці-равання вызначаўся ўзровень тэарэтычных ведаў. Потым сувязісты дэманстравалі свае практычныя навыкі. Дарэчы, на гэтым этапе дыпломам адзначана наш аператар Святлана Мятла. Складаным было дамашняе заданне, у якім неабходна паказаць "твар" кампаніі, правесці прэзентацыю "Мая прафесія прэстыжная". У гэтым нам вельмі дапамагла культработнік і паэтэса Алена Басікірская сваімі творамі ў вершах і прозе. А над стэндам "Беражлівасць у вялікім і малым" старанна папрацавалі інжынер-электронік Руслан Анатольевіч Валеўка і намеснік начальніка гарадскога аддзялення паштовай сувязі Святлана Аляксандраўна Цімафеева.
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.