"Вітамінны запас"

Спатрэбіцца:

300 грам свежай капусты, 1 вялікая морква, 1 вялікі яблык, сок 1 лімона (ці 2 сталовыя лыжкі 6% воцату), алей, соль.

Гатуем: капусту нашаткаваць невялікімі кавалачкамі, пасаліць і крыху памяць рукамі. Моркву нацерці на вялікай тарцы. Яблык парэзаць маленькімі кавалачкамі ці пацерці на буйной тарцы. Усё перамяшаць. Выціснуць сок лімона і дадаць у салату. (Калі лімонны сок замяніць на воцат, страва набудзе больш яркі смак, але згубіць частку сваёй карысці.) Яшчэ раз усё перамешваем, дадаём крыху алею (па жаданні можна замяніць на смятану ці маянэз, але таксама ў невялікай колькасці). Упрыгожыць дробна парэзанай зялёнай цыбуляй ці кропам.

 "На здароўе!"

Спатрэбіцца:

Вараны чырвоны бурак (700 грам), 8 штук чарнасліву, 3 сталовыя лыжкі грэцкіх арэхаў, 1 цыбуліна, маянэз, соль.

Гатуем: чарнасліў на 10 хвілін заліць кіпенем. Бурак нацерці на буйной тарцы. Цыбулю дробна пакрышыць. Парэзаць чарнасліў на кавалачкі сярэдняй велічыні. Грэцкія арэхі таксама не вельмі дробна парэзаць. Усё перамяшаць, пасаліць і заправіць маянэзам.

Падрыхтавала Кацярына СУРАВЕЦ.