У вобласці з 17 лютага па 4 сакавіка праходзіць аператыўна прафілактычнае мерапрыемства "Зімовая дарога". Пад увагай утрыманне вулічна-дарожнай сеткі, стан тэхнічных сродкаў арганізацыі дарожнага руху, наяўнасць праектнай дакументацыі на ўчастках дарожнай сеткі райцэнтраў і мясцовых аўтамабільных дарог.
Правяраецца работа дарожна-эксплуатацыйных арганізацый, камунальных служб па ўтрыманні дарогі і вуліц у зімовых умовах. Сумесна з прадстаўнікамі і службовымі асобамі аўтатраспартных, дарожных і камунальных арганізацый праводзяцца кантрольныя праверкі якасці зімовага ўтрымання аўтадарог і вуліц. За парушэнні вінаватыя будуць прыцягнуты да адміністрацыйнай адказнасці.
Пра вынікі праверкі і выяўленыя недахопы паведамяць у райвыканкамы, камісіі па бяспецы дарожнага руху, праінфармуюць праз СМІ.
А. КАПУСЦІН, старшы дзяржаўтаінспектар.