Віцебскім аблвыканкамам сумесна з ААТ “Белаграпрамбанк” і БГА “Адпачынак на вёсцы” праводзіцца конкурс на лепшую аграсядзібу вобласці.
Прыняць удзел у ім могуць сялянскія (фермерскія) гаспадаркі і фізічныя асобы, што зарэгістраваны на тэрыторыі вобласці і якія займаюцца аказаннем паслуг у сферы аграэкатурызму ў парадку і на ўмовах, акрэсленых Указам Прэзідэнта ад 2.06.2006 года №372 “Аб мерах па развіццю аграэкатурызму ў РБ”. Конкурс з’яўляецца адкрытым і праводзіцца ў наступных намінацыях: “Захаванне беларускіх традыцый”, “Здаровы лад жыцця”, “Гасціннасць”, “Зялёная сядзіба”, “Стыль і гармонія”.
Для ўдзелу ў ім суб’ектам аграэкатурызму неабходна ў тэрмін не пазней 31 снежня гэтага года прадаставіць ва ўпраўленне фізічнай культуры спорту і турызму аблвыканкама, якое размешчана па адрасе 210605 г. Віцебск, пр-кт Будаўнікоў, 10, наступныя дакументы:
—заяву на ўдзел у конкурсе;
—дакументы (матэрыялы), якія дазволяць вызначыць адпаведнасць удзельніка конкурсу крытэрыям заяўленай намінацыі;
—дыпломы, граматы, падзякі;
—звесткі пра прафесійную падрыхтоўку (удзел у семінарах, трэнінгах, стажыроўках па аграэкатурызму і іншыя);
—рэкламныя праспекты, каталогі;
—фотаальбомы, якія раскрываюць дзейнасць суб’екта ў сферы аграэкатурызму; і іншыя матэрыялы.
Таксама ў тэрмін не пазней 10 студзеня 2011 года даставіць дакументы, якія падцвярджаюць колькасныя паказчыкі дзейнасці ў сферы аграэкатурызму (інфармацыя па дагаворах на аказанне паслуг у дадзенай сферы, заключаных у гэтым годзе з адзнакай падатковага органа).
Прызёраў чакаюць памятныя падарункі і дыпломы. Пераможцы ж прымуць удзел у наступным этапе—традыцыйным рэспубліканскім конкурсе.
Па ўсіх пытаннях звяртайцеся ва ўпраўленне фізічнай культуры, спорту і турызму аблвыканкама па тэл.:
8 (0212) 21-53-79.
Аляксандр ЖУК.