З 30 мая памяняўся час работы наступных ведамасных пунктаў мытнага афармлення (ВПМА) Віцебскай мытні:
"Віцебск" — з 9.00 да 18.00 штодзённа;
"Полацк-Шкловалакно" — з 8.30 да 20.00 штодзённа;
"Нафтан" — з 8.30 да 17.30 штодзённа, акрамя выхадных і святочных дзён;
"Віцебск-Белмытнясэрвіс" — з 8.00 да 20.00 у рабочыя дні, з 9.00 да 18.00 па суботах;
"Орша-Белмытнясэрвіс" — з 8.00 да 17.00 штодзённа.
Унесены змяненні ў мытныя аперацыі, якія ажыццяўляе ВПМА "Нафтан". Цяпер тут здзяйсняюцца мытныя аперацыі ў адносінах тавараў, што перамяшчаюцца праз мытную граніцу Еўразійскага эканамічнага саюза чыгуначным, аўтамабільным і трубаправодным транспартам, за выключэннем тавараў для асабістага карыстання, а таксама тавараў, што класіфікуюцца ў таварных групах 07 (агародніна), 08 (фрукты і арэхі) адзінай Таварнай наменклатуры знешнеэканамічнай дзейнасці Еўразійскага эканамічнага саюза.
Прэс-служба Віцебскай мытні.