Не спазніцца
адрэагаваць
Не спазніцца адрэагаваць
Вынікі кантрольных праверак па пытаннях падпарадкавання Указу №630 "Аб рэагаванні службовых асоб на крытычныя выступленні ў дзяржаўных сродках масавай інфармацыі" сведчаць пра станоўчыя тэндэнцыі змяншэння парушэнняў на тэрыторыі вобласці. Аднак адзінкавыя факты выяўлены.
Так, у ІІІ квартале з перавышэннем на 199 дзён устаноўленага месячнага тэрміну з моманту публікацыі крытычнага матэрыялу дала адказ на яго ў мясцовай газеце ААТ "Новая Гвардыя" (Браслаўскі раён). У Шумілінскім раёне на 159 дзён спазнілася адрэагаваць на крытычную заўвагу ААТ "Прыдзвінскі", на 33 дні—ААТ "Аграбаравінка". Вінаватыя прыцягнуты да адміністрацыйнай адказнасці.
Камітэт дзяржкантролю вобласці нагадвае кіраўнікам арганізацый і прадпрыемстваў усіх форм уласнасці пра неабходнасць рэагавання і паведамлення ў месячны тэрмін з моманту публікацыі ці выхаду ў эфір крытыкі СМІ пра вынік разгляду і прынятых мерах.
Падаткі трэба плаціць
У кастрычніку Аршанскім міжраённым аддзелам Следчага камітэта па матэрыялах Аршанскага міжраённага аддзела ўпраўлення Дэпартамента фінансавых расследаванняў Камітэта дзяржкантролю вобласці ўзбуджана крымінальная справа па прыкметах злачынства, прадугледжанага часткай 2 арт.243 КК Рэспублікі Беларусь (ухіленне ад уплаты падаткаў, збораў), у адносінах дырэктара таварыства з абмежаванай адказнасцю. У 2014 годзе ён наўмысна занізіў падаткаабкладаемую базу і ўнёс у дэкларацыі заведама непраўдзівыя звесткі, ухіліўшыся такім чынам ад уплаты падаткаў у асабліва буйным памеры—больш за 1,9 млрд. рублёў.
Дадатковая інфармацыя па тэлефонах: 8 (0216) 44-47-67; +37529-6-923-721 (Салаўёў Сяргей Уладзіміравіч).
Адбор кандыдатаў
Упраўленне Дэпартамента фінансавых расследаванняў Камітэта дзяржаўнага кантролю Рэспублікі Беларусь па Віцебскай вобласці праводзіць адбор кандыдатаў (юнакоў) на вочную форму навучання ў Акадэміі Міністэрства ўнутраных спраў на факультэт міліцыі па спецыяльнасці "эканамічнае права" для праходжання службы ў органах фінансавых расследаванняў Камітэта дзяржаўнага кантролю.
Дадатковая інфармацыя па тэлефонах: 42-69-20; 42-50-99 (г. Віцебск).