�� > �� > Дзяржкантроль

Рамонт школ

Камітэт дзяржкантролю вобласці праверыў установы адукацыі па пытаннях эфектыўнасці выкарыстання бюджэтных сродкаў на капітальны рамонт. Выяўлены шматлікія факты фінансавання новых аб’ектаў, калі не закончаны работы на старых, якія пачаты 3-4 гады таму. Гэта тычыцца Сененскага раёна, г. Талачын, г.п. Ліёзна і абласнога цэнтра.

Міністэрства адукацыі не распрацавала тыпавыя штаты для ўстаноў пазашкольнай адукацыі, у выніку паўсямесна нагрузка на метадыста вызначаецца самастойна.

На калегіі камітэта дзяржкантролю вобласці пастаўлена задача перад упраўленнем адукацыі па ўпарадкаванню дзейнасці аб’яднання па пазашкольнай рабоце, па павышэнню эфектыўнасці выкарыстання бюджэтных сродкаў, па недапушчэнню зацягвання тэрмінаў заканчэння рамонту.

ЦТ

Сёлета ў 8 пунктах тэсціравання вобласці зарэгістравалася 49595 удзельнікаў, на 2131 менш леташняга, у ім прыняло ўдзел 48215, не з’явіліся 1373, выдалены 7 (5 за пранос ва аўдыторыю мабільнікаў, 2—за карыстанне калькулятарамі і шпаргалкі). Усе спрэчныя пытанні вырашаліся аператыўна з удзелам членаў камісіі па кантролю. Асаблівая ўвага была аператыўнаму вывучэнню меркаванняў абітурыентаў і іх бацькоў па пытаннях арганізацыі і правядзення тэсціравання. Яно праведзена ва ўмовах спрыяльнага маральна-псіхалагічнага клімата. Сёлета атрыманы наступныя сярэднія балы: беларуская мова—32,1 (летась 41,1), руская—31,5 (33,4), фізіка—18 (19,4), матэматыка—22,6 (26), хімія—32,5 (31,9), біялогія—34,9 (36,4), англійская мова—31,4 (35,9), нямецкая—28,2 (30,2), гісторыя Беларусі—32,2 (32,6), грамадазнаўства—37,1 (34,3), геаграфія—38,9 (35,2), сусветная гісторыя навейшага часу—34,9 (38,5).
Вынік у 100 балаў атрымаў толькі адзін удзельнік па рускай мове з гімназіі №8 Віцебска.

Крымінал

Узбуджана крымінальная спрва за незаконную прадпрымальніцкую дзейнасць у адносінах трох жыхароў Віцебска. У 2008-2010 гадах яны без рэгістрацыі займаліся рэалізацыяй мясной прадукцыі і атрымалі даход больш 38 млн. рублёў. Прыкладна такі ж час тры мінчаніны і віцяблянін дзейнічалі ад імя і па рэквізітах аднаго з прыватных прадпрыемстваў абласнога цэнтра ў аптовым гандлі будматэрыяламі, атрымалі даход звыш 700 млн. рублёў.
Кіраўнік адной з устаноў Віцебска незаконна выкарыстаў падначаленых рабочых длы рамонту кватэры, што належыла жонцы. Злоўжыванне службовымі паўнамоцтвамі выразілася ў выплаце заробку не менш чым за 70 рабочых дзён.

На кантролі—гандль

Камітэт дзяржкантролю вобласці працягвае аналіз гандлёвага абслугоўвання насельніцтва. Сёлета ў другім квартале правераны 74 аб’екты , у 52 з іх не захоўваліся патрабаванні па якасці рэалізуемых тавараў, у 48 пакупнікі не атрымлівалі неабходную інфармацыю пра тавары, у 34 парушаліся санітарныя нормы і правілы, у 13—парадак фарміравання і прымянення цэн.

Тыповыя недахопы ў аб’ектах грамадскага харчавання—продаж тавараў з мінулымі тэрмінамі годнасці, несапраўдная інфармацыя пра рознічныя цэны, завышэнне гандлёвых надбавак, парушэнне санітарных норм і правілаў, тэмпературнага рэжыму захоўвання прадуктаў. Пры праверцы магазінаў у Полацкім раёне і Оршы зноў жа выяўлены тавары з мінулымі тэрмінамі годнасці, парушэнне правілаў карыстання вагамі і парадку фарміравання цэн на крупы (завышана гандлёвая надбаўка), няправльнае ўказанне цэн (завышэнне).

Па выінках праверак у другім квартале аштрафавана 170 чалавек на 23,6 млн. рублёў, да дысцыплінарнай адказнасці прыцягнуты 101, у тым ліку зволнена