21 студзеня адбылася цырымонія ўступлення на пасаду ўноў абранага Прэзідэнта. Ва ўрачыстай абстаноўцы, у прысутнасці прадстаўнікоў органаў дзяржаўнай улады, парламентарыяў, прадстаўнікоў палітычных партый і грамадскіх аб’яднанняў, дыпламатычнага корпуса кіраўнік дзяржавы Аляксандр Лукашэнка прынёс Прысягу на вернасць народу.
Цырымонія інаугурацыі прайшла ў Палацы Рэспублікі. Удзел у ёй прыняла дэлегацыя з Міёршчыны. Наш раён прадстаўлялі старшыня раённага Савета дэпутатаў і кіраўнік раённай выбарчай камісіі Р. В. Парфёненка, намеснік старшыні райвыканкама і кіраўнік раённай арганізацыі ГА “Белая Русь” М. М. Баніфатава, начальнік аддзела арганізацыйна-кадравай работы Н. М. Мішута, дырэктар Дварнасельскай СШ-сада і старшыня адной з лепшых участковых выбарчых камісій А. С. Кляшчонак, галоўны спецыяліст аддзела адукацыі і актыўны член ініцыятыўнай групы па збору подпісаў у падтрымку кандыдата ў Прэзідэнта В. І. Пятрова.
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.