Сайт Раённай газеты Міёрскія навіны
 
Навигация на сайте:
» Моладзь / Год моладзі » Любіць вучыцца
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Верасень 2021    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
23-06-2011, 16:16 Моладзь / Год моладзі  ] • Любіць вучыцца   |  
 
Назва:      

26 чэрвеня — Дзень моладзі
Любіць вучыцца
Ясны погляд блакітных вачэй сведчыць пра шырокую душу Вадзіма Грыгор’ева. Аматар футбола і музыка, добра спявае і адказна выконвае даручэнні. Дзесяцікласнік СШ №1 паспявае ўсюды. З першага класа ён наведваў секцыю па футболу ў ДЮСШ, затым у трэцім дадалася школа мастацтваў. Вось так — нагрузка трох школ на адны хлапечыя плечы. Выкладчыкі адзначаюць, што Вадзім умее арганізаваць дзень, а пачатую справу абавязкова давядзе да канца.

У маі гэтага года ён закончыў фартэпіянна-скрыпічнае аддзяленне школы мастацтваў. Аднак з музыкай развітвацца не думае. Акампаніруе ансамблю скрыпачоў. Крыху раней, са шкадаваннем узгадвае хлопец, рассыпалася іх футбольная каманда ДЮСШ, якая выступала за гонар раёна на абласных і міжнародных турнірах. Так адбылося з-за занятасці хлопцаў, ад футболу тады прыйшлося адмовіцца і яму. Месцы займалі дастаткова высокія: другое на абласных спаборніцтвах на прыз “Скураны мяч” (каманда хлопчыкаў 1994-1995 гадоў нараджэння), першае — на адкрытым турніры ў Наваполацку. Добра запомнілася Вадзіму паездка з татам у Мінск на матч Англія — Беларусь у 2009 годзе. Атмасфера гульні так уразіла, што пачуцці перахлёствалі. І цяпер, як выдаецца вольная хвіліна, абавязкова спяшаецца Вадзім на стадыён, каб непасрэдна сачыць за гульнямі. Летам ганяе мяч з сябрамі.

З 6 класа Вадзім удзельнічае ў дыстанцыйных алімпіядах. За выдатныя веды англійскай, рускай і беларускай моў, а таксама матэматыкі і хіміі адзначаны дыпломамі І, ІІ, і ІІІ ступеняў. Пераможца раённага конкурсу перакладчыкаў з англійскай мовы ў 6 класе. У канцы навучальнага года на апошнім званку традыцыйна атрымлівае граматы “Выдатнік года”, “Таленты” і іншыя.

Музыка займае адно з самых важных месцаў у яго жыцці. Прыкладам яму служыць выкладчык школы мастацтваў Сяргей Рыгоравіч Аляксееў. Заслугамі ён абавязаны менавіта яму і, безумоўна, сваім старанням. Займаецца вакалам, хаця цяпер даволі складаны перыяд, бо ламаецца голас. У мінулым годзе зладжаны квартэт “Пяты лішні”, у складзе якога спявае і Вадзім, стаў дыпламантам фестывалю “Двина-Дзвіна-Даўгава”, што праходзіў у Верхнядзвінску. Сёлета першае месца занялі на конкурсе каляднай песні “Зорка Бэтлеема”, што праходзіў у дзесяты раз у нашым горадзе. Спявае і ў касцёльным маладзёжным хоры.

За добрую вучобу двойчы адпачываў у рэспубліканскім лагеры “Зубраня”. І там не прамінуў загарэцца наш юны талент: у лютым узяў гран-пры ў шоу-праграме, якая раней называлася “Еўрабачанне па-зубраняцку” за выкананне песні “Вечар халоднай зімы”. Музычныя конкурсы ў іншых гарадах і — дыпломы. Нават цяжка пералічыць усе ўзнагароды.

У нашай газеце некалькі год таму праходзіў раённы фотаконкурс “”Міёрскія пейзажы”, “Зямля пад белымі крыламі”. Здымак Вадзіма на ім даволі ўдала адлюстраваў родныя краявіды. Так што ён яшчэ і фатограф.

Таленавіты хлопец — гордасць і радасць для бацькоў Ірыны Людвігаўны і Дзмітрыя Васільевіча. У Вадзіма шмат перамог і поспехаў наперадзе, бо ён любіць вучыцца і пазнаваць новае. Няхай усе яго мары збываюцца.

Вольга ВІШНЕЎСКАЯ.


 (галасоў: 2)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar