Сайт Раённай газеты Міёрскія навіны
 
Навигация на сайте:
» Моладзь / Год моладзі » Лидер в жизни и работе
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Лістапад 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
25-02-2014, 09:43 Моладзь / Год моладзі  ] • Лидер в жизни и работе   |  
 
Назва: Лідар у жыцці і працы      

Лидер в жизни и работе
Марыну Паўлаўну Кашкур добра ведаюць як у горадзе, так і ў раёне. Заўсёды ўсмешлівая, актыўная, дзейная, яна адразу звяртае на сябе ўвагу. Многія здзіўляюцца, што такая маладая і прыгожая дзяўчына ў свае гады займае адказную пасаду першага сакратара РК ГА "БРСМ".

 

Нарадзілася яна ў вёсцы Паташня, дзе і закончыла базавую школу. З першага класа дзяўчына ведала, што хоча спяваць. Сям'я падтрымала захапленне дачкі, і бацька два разы на тыдзень вазіў яе ў музычную школу. Таму невыпадкова, што пасля дзявятага класа Марына паступае ў Полацкі педагагічны каледж, каб атрымаць спецыяльнасць настаўніка музыкі. Потым было размеркаванне і праца ў Даўгінаўскай школе, якую сумяшчала з завочным навучаннем у БДПУ імя             М. Танка. Праз тры з паловай гады паступіла прапанова заняць пасаду першага сакратара РК ГА "БРСМ".

 

 — Марына, Вы не баяліся пераключацца на новую дзейнасць?

 

 — Нельга сказаць, што праца ў "БРСМ" была для мяне абсалютна новай. Яшчэ да таго, як стаць сакратаром, я курыравала адпаведную ячэйку ў Дварнасельскай школе, так што пэўны, хоць і невялікі, вопыт мела. Аднак, нягледзячы на гэта, пачынаць заўсёды складана — мяне чакаў вялікі аб'ём работы. Трэба было дасканала вывучыць справу, пазнаёміцца з кіраўніцтвам, наладзіць кантакт з моладдзю. Вельмі значную падтрымку на першых этапах аказаў райвыканкам.

 

 — Як склаліся Вашы адносіны з моладдзю ў далейшым? Ці лёгка далучыць маладых людзей да супрацоўніцтва?

 

 — У курс справы ўвайшла даволі хутка. Паспрыяла тое, што я вельмі кантактны чалавек. Працаваць з маладым пакаленнем няпроста, але цікава. Часцей за ўсё ў наладжванні актыўнага ўзаемадзеяння перашкаджае адлегласць. Наша арганізацыя працуе з усёй моладдзю раёна — як гарадской, так і вясковай. Зразумела, што гараджан мне намнога прасцей сабраць, у той час як да той ці іншай вёскі або аграгарадка яшчэ трэба дабрацца. Аднак і гэтая праблема вырашальная.

 

 — Як ацэньваеце актыўнасць маладога пакалення міярчан? Ці прыходзяць яны да Вас з прапановамі?

 

 — Мне складана адназначна адказаць на гэтае пытанне. Час ад часу моладзь звяртаецца да мяне з ідэямі. Аднак, хацелася б, каб іх колькасць павялічылася.

 

 — Ці ёсць у Вас пастаянныя памочнікі?

 

 — Мае асноўныя памагатыя — гэта, у першую чаргу, сакратары пярвічных арганізацый, таксама значную падтрымку аказваюць намеснікі па ідэалагічнай рабоце і дырэктары школ.

 

 — Марына, па якіх пытаннях да Вас як да першага сакратара звяртаюцца часцей за ўсё?

 

 — Вельмі часта дапамагаю вырашыць арганізацыйныя пытанні. Вопыт у гэтай сферы маю важкі, таму тлумачу маладым людзям, якія просяць дапамогі,  што і як трэба арганізаваць, знаёмлю іх з небходнымі людзьмі, дапамагаю наладзіць кантакты. Шмат зваротаў звязана з  працаўладкаваннем. Жадаючых падзарабіць, асабліва ў летні час, вельмі многа, і толькі наша арганізацыя можа прадаставіць працоўныя месцы непаўналетнім. Атрымліваецца сітуацыя, калі, як кажуць, "попыт перавышае прапанову", і мы актыўна працуем над гэтай праблемай.

 

 — Як ацэньваеце мінулы год з пункту погляду праведзенай работы?

 

 — 2013-ты аказаўся багатым на падзеі, і лепшае гэтаму падцвержанне — вялікая колькасць узнагарод, якія мы атрымалі. Адзначаны дружыннікі, удзельнікі брэйн-рынгу, асабіста я атрымала грамату за работу ў інтэрнэт-прасторы.

У нас шмат планаў і на год бягучы. Да таго ж, мяне чакае вельмі важная падзея — справаздачна-выбарчая канферэнцыя, на якой раскажу пра сваю дзейнасць за тры гады.

 

 — Якімі якасцямі, на Вашу думку, павінен валодаць актывіст БРСМ?

 

 — Самае галоўнае — камунікабельнасць і адказнасць. Ні ў якім разе не кідаць пустых слоў, памятаць, што калі ты нешта паабяцаў — то абавязкова павінен выканаць. Таксама такі чалавек павінен быць актыўным, сучасным, моцным духам, стойкім, і, канешне, мець якасці лідара. У адносінах з людзьмі — лаяльным.

 

 — Марына, а як складаюцца на сённяшні дзень Вашы адносіны з музыкай?

 

 — Ад свайго захаплення я не адмовілася. Пра гэта ведаюць, і час ад часу запрашаюць мяне на канцэртныя праграмы. Па магчымасці стараюся ўдзельнічаць, аднак частыя камандзіроўкі і ўласная занятасць не дазваляюць усюды паспяваць. Калі ёсць час — з задавальненнем  бяру мікрафон у рукі. Здараецца і так, што не толькі вяду мерапрыемства, але і выступаю на ім, пераўтвараючыся ў артыстку.

 

 — Дзякуй Вам за цікавую і змястоўную размову!

 

Арына БАРКОЎСКАЯ.


 (галасоў: 3)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar