Сайт Раённай газеты Міёрскія навіны
 
Навигация на сайте:
» Моладзь / Год моладзі » “Крута ты трапіў на TV”
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Студзень 2021    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
4-03-2011, 13:15 Моладзь / Год моладзі  ] • “Крута ты трапіў на TV”   |  
 
Назва:      

“Крута ты трапіў на TV”
Менавіта гэтыя словы ў нядаўнім мінулым з папулярнага хіта прыгадаліся, калі настаўніца гісторыі, кіраўнік гуртка “Што? Дзе? Калі?” СШ №3 Наталля Іванаўна Будзько распавядала пра важную падзею. Яе вучаніца сямікласніца Юлія Кураш 24 лютага ўдзельнічала ў новым рэспубліканскім праекце Белтэлерадыёкампаніі “Дзеці новага пакалення”. Мэта яго — сабраць таленавітых дзяцей, якія не толькі добра вучацца, а актыўна ўдзельнічаюць у жыцці школы, грамадства і выдатна інтэлектуальна развітыя. Да ўсяго гэтага трэба мець добрую ацэнку ад педагогаў.
Увогуле праект будзе праходзіць у некалькі тураў, менавіта на адзін з іх і запрасілі Юлію. Дарэчы, яна была адна з нашай вобласці, астатнія пераважна з ліцэяў і гімназій абласных цэнтраў і сталіцы.

Юлія спявае, танцуе, пастаянна удзельнічае ў розных школьных і раённых конкурсах, алімпіядах, цікаўная і актыўная, з’яўляецца капітанам каманды “Што? Дзе? Калі?” у СШ №3. Вось і заўважылі дзяўчынку з нашага невялікага гарадка.
У кожным туры ўдзельнічае 12 чалавек з 6 па 11-ы класы. Усе раўнапраўныя ў інтэлектуальных іспытах: вядучы агучвае пытанне, якое высвечваецца на табло, хлопчык ці дзяўчынка стаіць за асобным столікам і кнопкай выбірае свой варыянт адказу, кампьютэр фіксуе нават час націску. У выніку пераможца застаецца адзін, астатнія атрымліваюць падарунак і дыплом ад арганізатараў і выбываюць з праекта.

Тур уключае некалькі этапаў. Гэты складаўся з чатырох, а ў кожным — па 12 пытанняў рознай ступені складанасці, але пераважна са школьнай праграмы. Так, на першым этапе ад самых простых (назваць героя мультфільма, знайсці памылку ў казцы), да больш складаных, якія датычыліся табліцы хімічных элементаў. Вось тут нялёгка было тым, хто хімію яшчэ не вывучаў. Двух балаў не хапіла Юліі да трэцяга этапа. За яе хварэлі і шчыра падтрымлівалі тата Юрый Аляксандравіч Кураш, класны кіраўнік Алена Віктараўна Валеўка і Наталля Іванаўна Будзько.
Конкурс-віктарына “Дзеці новага пакалення” надоўга запомніцца дзецям, бо ўсё праходзіла ў добразычлівай абстаноўцы. Незалежна ад таго, перамог ты ці не, ужо тое, што трапіў у праект рэспубліканскага маштабу — гісторыя. Зносіны з таленавітай моладдзю, новыя знаёмствы і сяброўствы… Што можа быць цудоўней!

Дыпломамі тэлепраекта адзначаны Юлія Кураш і яе любімая настаўніца Наталля Іванаўна Будзько.
Дарэчы, каб трапіць на конкурс, трэба прайсці жорсткі кантроль. Ні ў якім разе нельга прымалёўваць сабе неіснуючыя заслугі, бо ў далейшым гэта можа быць праверана. Яшчэ трэба запоўніць анкету, якая размешчана на сайце Белтэлерадыёкампаніі www.dnp.by. Толькі заяўкі падаваць можна вучням з 7 па 11 клас, бо здымкі праграмы з адборачнага туру інтэлектуалаў-шасцікласнікаў ужо завершаны.

Тэлеперадача з удзелам нашай зямлячкі выйдзе ў эфір на канале “Лад” пасля 14 сакавіка. Сачыце за праграмай. Увогуле праект “Дзеці новага пакалення” будзе трансліравацца па суботах і нядзелях з 5 сакавіка ў 19.30.

Падрыхтавала Вольга ВІШНЕЎСКАЯ.



 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar