З 28 сакавіка і да 4 красавіка па інцыятыве Міністэрства лясной гаспадаркі ва ўсіх арганізацыях галіны праводзіцца добраахвотная акцыя "Тыдзень лесу - 2015", прысвечаная 70-годдзю Перамогі савецкага народа ў Вялікай Айчыннай вайне. Мэта яе — захаванне і памнажэнне лясоў, прыцягненне ўвагі грамадскасці да рашэння агульнадзяржаўных задач у сферы ўзмацнення экалагічнай, эканамічнай і сацыяльнай ролі насаджэнняў.
ДЛГУ "Дзісенскі лясгас" у перыяд акцыі плануе зрабіць пасадкі дрэў на 55,7 га, адрамантаваць і добраўпарадкаваць месцы адпачынку, ліквідаваць несанкцыянаваныя звалкі, ачысціць прыдарожныя палосы і экалагічныя сцяжынкі.
ДЛГУ "Дзісенскі лясгас" запрашае школьнікаў і дарослых прыняць актыўны ўдзел у правядзенні намячаемых работ. Пра іх даведаецеся ў бліжэйшым лясніцтве ці лясгасе (тэл. 3-72-64, 3-78-86).
Загадзя ўдзячны за дапамогу.
Яўген БАРАН,
дырэктар ДЛГУ "Дзісенскі лясгас".