Сайт Раённай газеты Міёрскія навіны
 
Навигация на сайте:
» Спорт і турызм » Міёршчына развіваецца
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Лістапад 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
27-09-2011, 09:00 Спорт і турызм  ] • Міёршчына развіваецца   |  
 
Назва:      

Турызм — адна з важнейшых сфер сучаснай эканомікі. Асноўны яго напрамак — задавальненне патрэб людзей у азнаямленні з гісторыяй, культурай, звычаямі, духоўнымі і рэлігійнымі каштоўнасцямі краін і народаў.

                                                

Сёлета прынята Дзяржаўная праграма развіцця турызму ў Рэспубліцы Беларусь на 2011-2015 гады, якая дазволіць стымуляваць развіццё сферы паслуг, гасцінічнай гаспадаркі, транспарту, сувязі, гандлю і грамадскага харчавання, добраўпарадкавання населеных пунктаў, вытворчасці сувенірнай прадукцыі і стварыць умовы рацыянальнага выкарыстання аб’ектаў гісторыка-культурнай і прыроднай спадчыны краіны.

 

Міёрскі раён мае значны патэнцыял развіцця турызму, перш за ўсё пазнавальнага, экалагічнага, аздараўленчага, сельскага, спартыўнага. Мы ўваходзім у турыстычную зону “Браслаўскія азёры”. Азёрна-болотны край налічвае 96 вадаёмаў.

Лясы займаюць 20% тэрыторыі. Тут знаходзіцца ландшафтны заказнік “Ельня”, гідралагічныя “Балота-мох” і “Жада”, помнік прыроды “Чыстая дуброва”. На нашай тэрыторыі 104 помнікі археалогіі, архітэктуры, гісторыі і культуры. У дзяржаўны спіс гісторыка-культурнай спадчыны ўключаны тры сядзібы (Каменполле, Лявонпаль, Дзедзіна), 13 культавых пабудоў і 5 брацкіх магіл.

 

Спадчына раёна прадстаўлена ў музеях: раённым гісторыка-этнаграфічным, народным гісторыка-краязнаўчым і музеі кнігі і друку, экалагічным, чатырох краязнаўчых, музеі “Радзімазнаўства” і “Хатка бабкі Ядзвінні”.

 

Для знаёмства з мясцовасцю распрацаваны 22 турыстычных маршруты, краязнаўчыя, экалагічныя, зялёныя, па месцах ваеннай славы і ўздоўж ракі Заходняя Дзвіна-Даўгава. Пешыя, веласіпедныя, на байдарках і аўтамабілях.

Цяпер дзейнічаюць 23 аграэкасядзібы, толькі сёлета зарэгістравана 7 новых. Карыстаюцца попытам пражыванне ў прыватным доме, харчаванне, лазня, саўна, рыбалка, пешыя і веласіпедныя прагулкі, катанне на конях, паход за грыбамі і іншае.

 

Летась сельскія сядзібы прынялі 438 адпачываючых, з іх 80 з іншых краін.

Працуюць база адпачынку “Актам” і дзіцячы санаторый “Расінка”. Чатыры Дамы паляўнічага прадастаўляюць паслугі палявання і рыбалкі.

На тэрыторыі раёна дзейнічаюць два турыстычныя агенцтвы — “Паласаты рэйс” і “Халберг”. Рэканструюцца і будуюцца новыя аб’екты турыстычнай інфраструктуры, прыдарожнага сервісу і месцаў адпачынку. Толькі за апошні год уведзена ў эксплуатацыю кафэ “Прыазёрнае” ў Пераброддзі, ідзе рамонт кафэ “Дзвіна”, расшырана і адрамантавана гасцініца  ў Дзісне. У райцэнтры адкрыты гандлёва-гасцінічны комплекс “Ніка”, які ўключае ў сябе гасцініцу, магазін і кафэ. Добраўпарадкаваны зоны адпачынку “Парк паўвостраў”, “Асінаўка”, “Гарадскі парк” у Дзісне, “Гаёўка”, “Дубы”, “Ельня”, “Чапукі”, “Вадаспад” на рацэ Вята і іншыя.

Пачаты работы па рэалізацыі інвестыцыйнага праекта “Турыстычны комплекс “Кантры-клуб” у вёсцы Мурашкі СООО “ГідраМостБел”.

 

Індывідуальны прадпрымальнік М. П. Мішутава займаецца будаўніцтвам аўтастаянкі, пунктаў харчавання і прыпынку на дарозе Полацк-Браслаў.

У 2009 годзе ўведзены ў эксплуатацыю фізкультурна-аздараўленчы комплекс у Міёрах. Яго паслугі вельмі папулярныя ў жыхароў раёна нашага і блізляжачых. Капітальна адрамантаваны ФСК “Атлант”, сельскія Дамы культуры і клубы аграгарадкоў. Працягваецца рамонт Дзісенскага гарадскога Дома рамёстваў. У РДК адкрыты салон-магазін вырабаў народных майстроў, дзе прадаюцца сувеніры.

 

Раён прымае актыўны ўдзел у міжнародных праектах. З ліпеня 2008 года мы ўдзельнічалі ў “Белла Дзвіна — падарожнічаючы праз граніцы, адкрываючы культуру, атрымліваючы асалоду ад прыроды рэгіёна Заходняй Дзвіны/ Даўгавы”, а таксама “Балтыйскі азёрны край”, “Панарама Дзвіна-Даўгава”.

 

Больш падрабязную інфармацыю аб турыстычных магчымасцях раёна можна атрымаць у турысцка-інфармацыйным пункце аддзела фізічнай культуры, спорту і турызму (вул. Камуністычная, 47.) па тэл. 4-02-10 або на сайце райвыканкама.

 

Падарожнічайце, і даведаецеся шмат новага і цікавага, атрымаеце зарад станоўчых эмоцый.

 

Л. ВІШНЕЎСКАЯ,

галоўны спецыяліст

аддзела фізічнай культуры,

спорту і турызму райвыканкама.

 


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar