На працягу ўсяго года каманды арганізацый і сельгаспрадпрыемстваў Міёршчыны прымалі ўдзел у раённай спартакіядзе. За гэты час яе ўдзельнікі паспелі прадэманстраваць сваю спартыўную падрыхтоўку ў васьмі відах спаборніцтваў. Падчас іх правядзення каманды атрымлівалі ачкі, сума якіх і стала асноўным крытэрыем пры падвядзенні вынікаў.
У раённай спартакіядзе прынялі ўдзел 15 каманд арганізацый, у склад якіх увайшлі 245 чалавек і 11 каманд сельгаспрадпрыемстваў, за якія выступілі 243 чалавекі.
Сярод арганізацый першае месца дасталася прадстаўнікам раённага аддзела адукацыі, спорту і турызму, другое — УП ЖКГ, трэцяе — РАНС, чацвёртае — ПМК-55, пятае — УАЗ "Міёрская ЦРБ".
Толькі ў адным відзе спаборніцтваў прынялі ўдзел каманды РАУС, Міёрскага хлебазавода, ДЭУ-134, ДРБУ-203, РЭС, ААТ "Міёрскі райаграсэрвіс", ААТ "Міёрскі камбікормавы завод". Не далучыліся да спартыўнага руху работнікі ДЛГУ "Дзісенскі лясгас", РВЭС, РВУ "Міёрырайгаз" і ААТ "АТП-15". Праявілі сябе даволі актыўна, аднак у першую пяцёрку не ўвайшлі каманды райспажыўтаварыства і УП "Міёрскае ПМС".
Сярод сельгаспрадпрыемстваў лідарамі сталі спартсмены ААТ "Пад'ельцы", другое месца занялі прадстаўнікі ААТ "Любінова", трэцяе — ААТ "Павяцце", чацвёртае — ААТ "Туркова", замкнулі пяцёрку работнікі ААТ "Узмёнскі край".
Не сталі першымі, аднак добра сябе праявілі каманды ВУПКУ "Міёрскі" і ВУПКУ "Язна". Не далучыліся да раённых спаборніцтваў прадстаўнікі ААТ "Наўгароды", ВУПКУ "Юбілейны", ААТ "Мікалаёўскі", ААТ "Папшулі" і ААТ "Дрыгучы".
Арына БАРКОЎСКАЯ.