Сайт Раённай газеты Міёрскія навіны
 
Навигация на сайте:
» Адукацыя і выхаванне » Заслуженый учитель
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Лістапад 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
31-01-2012, 14:01 Адукацыя і выхаванне  ] • Заслуженый учитель   |  
 
Назва: нет заглавия на бел языке      

Заслужаны настаўнік

 

Заслуженый учитель Уся працоўная дзейнасць Галіны Баляславаўны Спасібёнак звязана толькі з Мікалаёўскай школай. У далёкім 1967 годзе пасля заканчэння Віцебскага педінстытута яе накіравалі працаваць у гэтую васьмігодку. І адразу — дырэктарам.

 

Што адчувала ўчарашняя студэнтка на такой адказнай пасадзе? “Вядома, напачатку страшнавата было, — прызнаецца Галіна Баляславаўна. — І цяжкасцяў хапала. Аднак не думалася пра гэта. Проста старалася добра выконваць свае абавязкі.” А дапамагалі, напэўна, адказнасць, зацікаўленасць у справе, высокая працаздольнасць і невычарпальная энергія, так уласцівыя характару жанчыны. І вядома, падтрымка калектыву.

 

Хапала клопатаў дырэктару і ў 80-я гады, калі ўзводзіўся новы будынак школы. Як расказвае Галіна Баляславаўна, і інжынерам трэба было быць, і дыпламатам адначасова.

Увогуле ж паездкі, нарады, пасяджэнні, праверкі — неад’емная частка дырэктарскага хлеба. Не раз даводзілася, вяртаючыся з чарговай паездкі, пешшу ісці з Шарагоў дадому ў Арханава праз лес. А на адпачынак часу было не надта многа. Чакалі сям’я, справы па гаспадарцы… і школьныя паперы. Цяжка ўявіць, колькі трэба энергіі і самаадданасці, каб з усім паспяваць спраўляцца.

 

І спраўляцца на выдатна. У 1999 годзе Галіна Баляславаўна атрымала ганаровае званне “Заслужаны настаўнік Рэспублікі Беларусь”.

З абавязкамі дырэктара яна развіталася, калі надышла пара заслужанага адпачынку. Але са школай развітвацца не спяшалася. Яшчэ некаторы час працавала настаўнікам матэматыкі. І нават класным кіраўніком пабыць давялося. А ўспаміны пра школу светлыя. Напэўна таму, што займалася любімай справай. “Падабалася мне работа, — гаворыць субяседніца. — І дзяцей я вельмі люблю. Усіх сваіх вучняў памятаю. Цікаўлюся, дзе яны зараз, як жыццё склалася”.

 

Былы дырэктар і сёння ў калектыве Мікалаёўскай базавай школы. Радуецца, што запрашаюць яе на святы першага і апошняга званка, на Дзень настаўніка. Ды і сама, бываючы ў Мікалаёве, наведваецца ў школу пагутарыць з калегамі.

А вольны час прысвечаны любімым заняткам, на якія раней яго не хапала. З задавальненнем Галіна Баляславаўна глядзіць розныя перадачы па тэлебачанні, чытае кнігі, газеты. У ліку любімых выданняў і “Міёрскія навіны”. Часам гартае старонкі даведнікаў па матэматыцы, калі былым вучням дапамагчы трэба. Аднак не толькі сямейнымі справамі, гаспадарскімі клопатамі ды кнігамі занятая жанчына.

 

Нядаўна Галіна Баляславаўна ўзначаліла мясцовую пярвічку раённай ветэранскай арганізацыі. Па яе словах, згадзілася, таму што не ўмее адмаўляць людзям. Але наўрад ці толькі па гэтай прычыне. Напэўна, чалавеку з актыўнай жыццёвай пазіцыяй заўсёды патрэбна займацца справай.

 

Кацярына СУРАВЕЦ.

Фота з асабістага архіва Г. Б. Спасібёнак.


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar