Сайт Раённай газеты Міёрскія навіны
 
Навигация на сайте:
» Адукацыя і выхаванне » Профилактическое предупреждение
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Лістапад 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
30-03-2012, 15:10 Адукацыя і выхаванне  ] • Профилактическое предупреждение   |  
 
Назва: Прафілактычнае папярэджанне      

Метадыст РАА С. В. Качан па рабоце ўстаноў адукацыі ў мэтах прафілактыкі правапарушэнняў лічыць прыярытэтным накірункам выхаваўчай дзейнасці педагогаў раёна недапушчэнне супрацьпраўных паводзін. Акцэнтуйце ўвагу на фарміраванні ў вучняў грамадзянскасці, якая заключаецца ва ўсведамленні і актыўным выкананні абавязкаў перад дзяржавай і грамадствам. Да найбольш значымых апошніх мерапрыемстваў яна адносіць прафілактычную акцыю “Увага: падлетак!”, алімпіяду прававых ведаў для вучняў, якія стаяць на ўліку, раённыя рэйды па абследаванні ўмоў жыцця дзяцей.

Ад чаго залежыць паспяховасць і выніковасць такой прафілактычнай работы?

—Ад сістэмы ўзгодненых дзеянняў педкалектываў школ. Яна ўключае арганізацыю заняткаў па інтарэсах, спартыўных секцый у пазаўрочны час, удзел школьнікаў у выхаваўчых мерапрыемствах. Усё гэта садзейнічае фарміраванню законапаслухмянай асобы, фарміруе цэласнае ўяўленне аб сучасным грамадстве.

Наколькі ахвотна займаюцца вучні ў гуртках?

—Пра гэта можна меркаваць па іх колькасці, ды і вынікамі таксама можна пахваліцца, бо выставы дзіцячай творчасці ўражваюць многіх. А ўсяго ўстановамі адукацыі раёна арганізавана дзейнасць 117 гурткоў для 1647 чалавек, што складае 64% ад усёй колькасці школьнікаў. Калі ж дабавіць спартыўныя секцыі, то агульная занятасць дасягае 92%. Значная нагрузка кладзецца ў гэтым накірунку на ДУ ДА “Міёрскі раённы Цэнтр дзяцей і моладзі”, бо ўстанова забяспечвае дзейнасць у сёлетнім навучальным годзе 56 гурткоў (у мінулым—43). Стварэнне філіяла ў Дзісне дало магчымасць адкрыць на яго базе дадаткова 14 гурткоў.

Што можаце сказаць пра дзейнасць факультатываў?

—У параўнанні з мінулым годам іх колькасць павялічылася ў 3 разы і склала цяпер 107. Усе яны выхаваўчай накіраванасці, працуюць актыўна.

Ці выкарыстоўваеце магчымасці шостага школьнага дня?

—А як жа! Кожная трэцяя субота—прафілактычная. Класныя кіраўнікі дэталёва прадумваюць змест заняткаў і агульнашкольных мерапрыемстваў для падтрымкі ўстойлівай цікавасці дзяцей да ўрокаў, да вучобы наогул.

Як і калі выяўляюцца дзеці, схільныя да асацыяльных паводзін?

—З ранняга дзяцінства. Гэта ўжо ўвайшло ў практыку. А ў пачатку і ў канцы навучальнага года ў школах праводзяцца гутаркі, у якіх акцэнт—на рабоце з непаўналетнімі, патрабуючымі да сябе асаблівай увагі. 

Станоўчыя вынікі забяспечваюць запрашэнні дзяцей на саветы па прафілактыцы безнагляднасці і правапарушэнняў: вучні імкнуцца выправіць свае паводзіны.

Такая прафілактычная работа праводзіцца ва ўсіх школах?

—Абавязкова. Літаральна ў кожнай навучальнай установе аформлены куткі прававых ведаў “Падлетак і закон”, дзе змяшчаюцца кароткі змест закона “Аб правах дзіцяці”, інфармацыя аб адміністрацыйнай і прававой адказнасці непаўналетніх за ўчыненыя правапарушэнні і злачынствы, адрас Дзіцячага прававога сайта, фатаграфія і тэлефон участковага інспектара.

Педагогі рэгулярна дзяжураць у месцах масавага адпачынку моладзі, кантралююць занятасць “цяжкіх” падлеткаў. Яны садзейнічаюць працаўладкаванню такіх непаўналетніх на час летніх канікул, змяшчэнню іх у лагеры.

Аднак, на жаль, мы маем рост правапарушэнняў у раёне, хаця вучняў, задзейнічаных у іх, паменела з 55 да 45. Дык чаму, на Вашу думку, нашы школьнікі, з якімі так шмат працуюць педагогі, усё ж схільны да непрыгожых учынкаў?

—Асабіста я падтрымліваю меркаванні адміністрацыі ўстаноў адукацыі, якая асноўнымі прычынамі супрацьпраўных паводзін вучняў лічыць недастатковы кантроль з боку бацькоў, нізкі ўзровень культурных інтарэсаў сям’і. У выніку ў падлетка не адбываецца фарміравання цэласнай арыентацыі, ён трапляе пад уплыў знешняга асяроддзя, учыняе злачынствы з-за свавольства, цікаўнасці, жадання сцвердзіцца ў вачах равеснікаў, імкнення завалодаць моднымі рэчамі.

А таксама прычына і ў тым, што не ў кожнай установе адукацыі ёсць псіхолаг, адмоўна ўплывае частае змяненне на пасадах педагогаў сацыяльных, педагогаў-арганізатараў. І яшчэ—не ў поўнай меры да прафілактычнай работы з падлеткамі прыцягваюцца грамадскасць і духавенства. Мала праводзіцца школамі сумесных дзіцяча-бацькоўскіх мерапрыемстваў.   

Якія планы на будучыню?

—Будзем выпраўляць недахопы і пралікі, наладжваць больш цеснае супрацоўніцтва з бацькамі.

Мяркуем больш шырока выкарыстоўваць сайты. Кожная ўстанова адукацыі мае метадычны запас сцэнарных распрацовак выхаваўчай накіраванасці, які неабходна размясціць у электронным выглядзе з мэтай прапаганды станоўчага вопыту.

Сёлета ў студзені праведзены раённы аўтарскі інфармацыйна-метадычны семінар “Інтэрактыўныя і камп’ютарныя тэхналогіі ў выхаваўчай рабоце: вопыт Расіі і Беларусі”, на якім прадстаўлены матэрыялы кандыдата псіхалагічных навук, дацэнта, загадчыка кафедры псіхалогіі і педагагічнага майстэрства Рэспубліканскага інстытута вышэйшай школы РБ  А. Н. Сізанава. Яго вопыт заслугоўвае пільнай увагі для арганізацыі работы з вучнямі. І нашымі педагогамі ён будзе выкарыстаны.

Акрамя таго, сёлета кожная ўстанова адукацыі падпісвае план узаемадзеяння з рэлігійнымі арганізацыямі раёна ў мэтах дзейснага выхавання школьнікаў.

Гутарыла

Э. БАГДАНОВІЧ.

 

 


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar