У суботу 18 студзеня прайшоў раённы турнір інтэлектуальных гульняў "Эрудыт- 2014". У ім прынялі ўдзел 9 каманд: "Энергія" (Туркоўская СШ), "Логас" (Дварнасельская СШ), "Разумнічкі" (Дзісенская СШ), "Водбліскі" (СШ №2), "Парус" (Чапукоўская СШ), "DreamTeam" (СШ №1), "Крэатыў.by" (СШ №3), "Маяк" (Язненская СШ), "Максімум" (Новапагосцкая СШ).
Юныя знаўцы адказвалі на складаныя пытанні розных накірункаў — гісторыі, палітыкі, біялогіі, літаратуры, мастацтва.
Найбольш правільных адказаў далі, а разам з тым адпаведна і колькасць балаў заслужылі эрудыты з Дварнасельскай СШ (на здымку). Таму "Логас" стаў пераможцам інтэлектгульняў. У склад каманды ўваходзілі Дзмітрый Закрэўскі (капітан), Марыя Шокель, Дзмітрый Мацур, Ірына Радзіхоўская, Алеся Пацеенак і Марыя Пальчэўская. Другое месца падзялілі дзве каманды — "Энергія" з Туркоўскай СШ і "DreamTeam" з СШ №1, а трэцяе дасталася "Крэатыву.by" з СШ №3. Каманды пераможцаў і прызёраў узнагароджаны граматамі.
Вольга ЯСІНСКАЯ.