Зімовыя канікулы праляцелі імгненна. Затрымлівацца ў хаце не даводзілася: ляпілі з сяброўкамі снежныя скульптуры, каталіся на лыжах. З 29 снежня дзейнічаў школьны аздараўленчы лагер "Праменьчыкі".
Весела і цікава праходзіла змена ў атрадзе "Снегавікі". Для гэтага стараліся настаўнікі Святлана Алегаўна Швед, Ганна Іванаўна Гайлевіч, Зоя Баляславаўна Лонская, Вольга Антонаўна Мураўская, Генадзь Яўгенавіч Хахель. Задаволіць гастранамічныя густы наведвальнікаў імкнуліся работнікі школьнай сталовай Валянціна Рыгораўна Мішук, Тэрэза Аляксандраўна Шмітс, Таццяна Міхайлаўна Гарноўская.
Кожны з 6 дзён адпачынку быў арыгінальным і змястоўным. На пасаду камандзіра лагера выбралі сямікласніцу Надзю Хмельнік. Яна сачыла за рэжымам дня, за парадкам у адведзеным для гульняў памяшканні і дысцыплінай, афармляла стэнды, дапамагала намесніку дырэктара лагера Раісе Мікалаеўне Гайбовіч.
З любоўю і адказнасцю ставілася да нас дырэктар "Праменьчыкаў" Наталля Уладзіміраўна Маркевіч.
Сярод шэрагу праведзеных мерапрыемстваў асабліва запомніліся інтэлектуальныя конкурсы "Тры стыхіі", "Невядомы Новы год", "Музычны рамонак", свята "Казачныя прыгоды на Новы год", экскурсія ў сельскую бібліятэку, фільм "Цуды на Каляды".
Актыўна праявілі сябе падчас змены Віталь Усціновіч, Дзмітрый Анецька, Ксенія Багданава, Марыя Трубіла, Яўгенія Сухоўская. Розны ўзрост дзяцей у атрадзе ніяк не ўплываў на атмасферу сяброўства і ўзаемадапамогі.
Ксенія БАГДАНАВА,
юнкар гуртка "Зараначка" Новапагосцкай ДС-СШ.