Сайт Раённай газеты Міёрскія навіны
 
Навигация на сайте:
» Вясковае жыццё » Июньский сенокос
Поиск:
Рубрыкі
Выбары прэзідэнта 2015 Афіцыйна Эканоміка і права Пытайцеся—адказваем Здарэнні Грамадства Моладзь / Год моладзі Вясковае жыццё Культура Рэлігія Гісторыя краю, Міёрам 500 Здароўе Спорт і турызм Прырода і экалогія Пошта Літаратурная старонка Адукацыя і школа Юбілей Сямейны лад Жыве памяць Падшыўка 70 год Вялікай Перамогі Рознае...
Каляндар
«    Лістапад 2020    »
ПнАўСрЧцПтСбНд
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
Святы


 
Кнопка сайта
Мы будем очень благодарны, если вы установите на своём сайте нашу кнопку или просто текстовую ссылку на наш сайт.

[ Получить код кнопки]
Партнеры сайта

 
 
16-06-2015, 11:35 Вясковае жыццё  ] • Июньский сенокос   |  
 
Назва: Чэрвеньскі сенакос      

Июньский сенокос З-за сухога надвор'я, якое ўсталявалася ў першыя тыдні чэрвеня, адчуваецца недахоп вільгаці ў глебе, што адмоўна ўплывае на развіццё сельгаскультур, і гэта, зразумела, непакоіць вяскоўцаў. А вось для касьбы — стварыліся найлепшыя ўмовы. Да таго ж, і тэрміны іх уборкі цяпер самыя аптымальныя, а таму мясцовыя аграрыі шырокамаштабна разгарнулі работу на сенажацях. Скарыстаўшыся добрым надвор'ем, у большасці гаспадарак адразу рупліва ўзяліся за нарыхтоўку сена, якое з'яўляецца незаменным у рацыёне цялят, а калі ёсць дастатокыя яго запасы, то і каровы могуць паласавацца.

 

—Трава хутка сохне пад промнямі сонца на лёгкім ветрыку, акумулюючы летні водар, які і зімой, калі не дапускаць парушэнняў тэхналогіі нарыхтоўкі і захоўвання, будзе прыемна напамінаць пра чэрвеньскія гарачыя дні,—кажа намеснік начальніка райсельгасхарчу па раслінаводстве Віктар Уладзіміравіч Гагалінскі, які штодзённа бывае на "калгасных" палетках, кантралюе ход корманарыхтоўкі, дапамагае ў вырашэнні ўзнікаючых праблем, выяўляе недахопы, якія не прыкмецілі аграномы сельгасарганізацый, сочыць за выпраўленнем сітуацыі.


Наколькі аператыўна сельгасвытворцы вядуць корманарыхтоўку? Якія стаяць перад імі задачы і ці ўдасца іх выканаць? Гэтыя пытанні адрасую галоўнаму аграному раёна.
—Віктар Уладзіміравіч, якія ўражанні, ці радуюць сёлета травы сваёй вышынёй і гушчынёй?
—Ёсць, на жаль, участкі, дзе трава не "дацягнулася" ў росце. Аднак ёсць і такія палеткі, гледзячы на якія, душа радуецца. Добра раскусцілася, напрыклад канюшына, якую дбайныя гаспадары пасеялі летась без парушэння тэхналогіі: ва ўстаноўленыя тэрміны, захоў-ваючы норму высеву… Не дарэмна ж мы штогод ставім перад сельгасарганізацыямі раёна задачу—у запланаваных аб'ёмах праводзіць залужэнне і перазалужэнне сенакосаў і пашаў, і хто гэтага патрабавання прытрымліваецца, той, як правіла, заўсёды з кармамі. Дарэчы, сёлета нам трэба да 15 ліпеня паспець завяршыць такую работу на 9100 гектарах. У шэрагу гаспадарак зменшылі плошчы пад кукурузай і рапсам, а таму мы замест раней запланаваных 7500 га мяркуем павя-лічыць плошчу пад травамі на 1600 га.


Прадукцыйнасць сенакосаў у параўнанні з мінулым годам сёлета ніжэйшая. Найбольш уплывовымі былі два адмоўныя фактары: па-першае, вясна выдалася сухой і халоднай, з-за чаго замарудзіўся рост траў; па-другое, з-за недастатковага фінансавання не змаглі закупіць дастаткова ўгнаенняў для іх падкормкі. Аднак нельга загадзя прагназаваць змяншэнне аб'ёмаў нарыхтоўкі зялёнай масы, бо, як я ўжо казаў, ёсць участкі, дзе шматгадовыя травы цешаць вока. Аднак сёння па нарыхтоўцы кармоў мы мінусуем да мінулагодняга: летась на гэтую дату гаспадаркі раёна мелі 10 550 тон кармавых адзінак, а сёлета толькі 7 803.
—Раскажыце, калі ласка, пра асаблівасці корманарыхтоўкі і пра тых, хто працуе найбольш зладжана.


—Усяго нам трэба нарыхтаваць для грамадскага статка на зімоўку 2015-2016 гадоў каля 20 тысяч тон сена, больш за 120 тысяч сенажу і 109 788 тон сіласу, што павінна скласці 68 444 тоны кармавых адзінак, з іх 40 499 т к. адз. неабходна атрымаць з траў першага ўкосу. Пакладзены травы ў пракосы на 5971 гектары (42,7% да плана), з іх на 4535 га яны ўжо ўбраны. Завяршае касьбу ААТ "Міёрскі райаграсэрвіс"—план выкананы на 95,1%. Больш за 60% травастою пакладзена ў пракосы ў ААТ "Гвардзейскі", "Туркова". Зразумела, гэтыя сельгасарганізацыі не марудзяць і з уборкай іх правяленай масы. Прыемна адзначыць, што намнога лепш, чым летась, вядзецца нарыхтоўка сена, якога маем 1779 тон. Напрыклад, у ААТ Пад'ельцы" яго насушылі 270 тон (гэта лепшы паказчык па раёне). ААТ "Мікалаёўскі" мае 244 тоны каштоўнага корму, УП "Цітова"—223. А вось па закладцы сенажу значна адстаём ад леташніх паказчыкаў, яго ў траншэях і буртах пакуль толькі 24819 тон. Найбольш арганізавана працуюць на падборы з валкоў правяленай травы, яе здрабненні і трамбоўцы механізатары ААТ "Туркова", дзе ў траншэях ужо 2466 тон зялёнкі. Іх старанне зразумелае, бо ім трэба назапасіць 10 500 тон сенажу ў сувязі з тым, што на МТФ "Супорніца" каровы знаходзяцца на круглагадавым стойлавым утрыманні. Яшчэ большы план у ААТ "Міёрскі", дзе таксама ёсць ферма з даільнай залай і вельмі вялікі гурт БРЖ,—ім неабходна нарыхтаваць12 925 тон такога корму, назапасілі—2090 т. І ў ААТ "Мікалаёўскі" вялікі план—12 850 т, а створаны сённяшні запас складае 3077 тон. На жаль, па тэмпах корманарыхтоўкі мы адстаём ад графіка.


—На якія тэхналагічныя моманты трэба звяртаць увагу падчас закладкі сенажу і сіласу, якія найбольш папаўняюць зімовыя рацыёны жывёлы?
—Калі казаць пра тэхналогію, то я б хацеў звярнуць асаблівую ўвагу на захаванне аптымальных тэрмінаў касьбы, бо перарослыя травы даюць нізкапажыўную зялёную масу, багатую на клятчатку і вельмі бедную на карысныя рэчывы.
Другі не менш важны момант, дзе іншы раз выяўляюцца парушэнні—тэхналогія закладкі сенажу і сіласу. Важна вельмі акуратна раўнамерным тонкім слоем разраўноўваць масу, а не скідваць кучамі, бо такія бугры трактар не зможа належным чынам ўшчыльніць, зялёнка будзе перагравацца. Абавязкова трэба рэгулярна кантраляваць тэмпературу корму. Падчас дажджу работнікі павінны прыпыніць нарыхтоўку і часова ўкрыць траншэю плёнкай. Нельга забруджваць сянаж ці сілас зямлёй, трэба вымошчваць на пад'ездах дастаткова шырокую і доўгую пляцоўку з галінак ці саломы для ачысткі колаў трактараў, што прыяз-джаюць з поля. Каб ў перыяд захоўвання не дапусціць псавання корму, неабходна вельмі герметычна ўкрыць яго плёнкай. Калі праігнараваць хаця б адно з гэтых тэхналагічных патрабаванняў, то добрага сенажу не атрымаеш.


У шэрагу гаспадарак практыкуць закладку здробненай масы ў бурты. Гэта, канечне, не лепшы спосаб, але, калі аб'ектыўныя абставіны прымушаюць яго прымяняць, то трэба належным чынам не толькі ўшчыльняць і ўкрываць масу, але і з асаблівым стараннем прыціскаць яе пасля ўкрыцця і зверху, і з бакоў. Інакш можна загубіць да 30% назапашанага корму.
У раёне створаны тэхналагічныя групы ў складзе работнікаў райветстанцыі і спецыялістаў райсельгасхарчу, якія будуць уважліва кантраляваць якасць нарыхтоўваемага корму, складаць акты аб выніках праводзімых даследаванняў, і, калі яны выявяць парушэнні, кіраўнікі агранамічных служб і радавыя работнікі павінны неадкладана рэагаваць на заўвагі і выпраўляць дапушчаныя хібы.


Магчыма, хтосьці лічыць, што летам галоўнае зялёную масу "напіхаць" у траншэі і за работу атрымаць зарплату, а калі корм зімой акажацца няякасным, то няхай у жывёлаводаў і галава баліць. Такая пазіцыя—непрымальная і недаравальная. Кормазабеспячэнне—гэта падмурак жывёлагадоўлі, і менавіта малочная і мясная галіны даюць ільвіную долю грашовай выручкі ад рэалізацыі сельгаспрадукцыі, а гэта—падмурак эканомікі кожнай гаспадаркі. Чаму ўзнікаюць праблемы з выплатай заробку—на рахунках няма грошай. А адкуль ім узяцца, калі рэалізацыя жывёлагадоўчай прадукцыі мізэрная? Малако—у каровы на языку, і пры дрэннай якасці кармоў не варта чакаць росту надояў зімой. Вось таму яшчэ раз нагадваю механізатарам і ўсім, хто мае дачыненне да корманарыхтоўкі, у тым ліку і трактарыстам, якія вядуць догляд зерневых культур, пасеяных на корм жывёле, кукурузы і рапсу,—у сельгасвытворчасці ўсе павінны працаваць у адной звязцы.


Гутарыла Эліза БЛАЖЭВІЧ.
На здымку: В. У. Гагалінскі.
Фота Казіміра Блажэвіча.


 (галасоў: 0)

  [group=5]
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.
[/group]
Другие новости по теме:



   
Надвор'е ў Міёрах
Папулярныя артыкулы
 
АРХІЎ НАВІН
Лістапад 2015 (48)
Кастрычнік 2015 (101)
Верасень 2015 (88)
Жнівень 2015 (10)
Ліпень 2015 (38)
Чэрвень 2015 (149)
 
Госці краін
Flag Counter
Рэклама
Витебское областное управление МЧС
 

Галоўная Правілы Статыстыка Зваротная сувязь
Яндекс.Метрика
2010-2017 © рэдакцыя газеты "Міёрскі навіны"
Распрацоўка і падтрымка сайта Elizar