Deprecated: Methods with the same name as their class will not be constructors in a future version of PHP; SLClient has a deprecated constructor in /home/mijoryby/public_html1/setlinks_d2530/slclient.php on line 10
Аляксандр Лукашэнка ўступіў на пасаду Прэзідэнта Беларусі. Цырымонія інаўгурацыі адбылася ў Палацы Незалежнасці 6 лістапада. У адпаведнасці з Канстытуцыяй Рэспублікі Беларусь, Прэзідэнт уступае на пасаду пасля прынясення прысягі наступнага зместу: "Заступаючы на пасаду Прэзідэнта Рэспублікі Беларусь, урачыста клянуся верна служыць народу Рэспублікі Беларусь, паважаць і ахоўваць правы і свабоду чалавека і грамадзяніна, захоўваць і абараняць Канстытуцыю Рэспублікі Беларусь, свята і добрасумленна выконваць ускладзеныя на мяне высокія абавязкі".
16 кастрычніка Цэнтрвыбаркам Беларусі зацвердзіў канчатковыя вынікі выбараў Прэзідэнта. Яны сведчаць пра тое, што на вышэйшую дзяржаўную пасаду выбраны Аляксандр Лукашэнка, за кандыдатуру якога аддадзена 5 102 478 галасоў выбаршчыкаў, што склала 83,5 працэнта. За Сяргея Гайдукевіча прагаласавала 201 945 выбаршчыкаў (3,3 працэнта), Таццяна Караткевіч набрала 271 426 галасоў (4,4 працэнта), Мікалай Улаховіч—102 131 (1,7 працэнта). Супраць усіх кандыдатаў амаль 386,2 тыс.чалавек (6,3 працэнта), каля 48,8 тыс. бюлетэняў прызнаны несапраўднымі.
На выбарах Прэзідэнта Беларусі перамог Аляксандр Лукашэнка, набраўшы, паводле папярэдніх даных, 83,49 % галасоў. Канчатковыя вынікі будуць агучаны пасля таго, як абласныя выбаркамы і выбаркам горада Мінска падпішуць падагульняльныя пратаколы аб галасах за кожнага кандыдата.
За пяць дзён датэрміновага галасавання да урн прыйшлі 5728 выбаршчыкаў — 34,5% агульнай колькасці ў 16594 чалавекі. Дарэчы, гэтая лічба да канца асноўнага выбарчага дня вырасла на 16 жадаючых прагаласаваць. У асноўным за кошт студэнтаў, якія вучацца ў вялікіх гарадах, а вось зарэгістраванымі засталіся па месцы жыцця бацькоў. А ўвогуле, невялікія змяненні ў спісы выбаршчыкаў у большы і меншы бок непасрэдна 11 кастрычніка былі зроблены на 11 участках для галасавання з 26.
Заўтра ў вас вельмі адказны, надта значны дзень. Усенародныя выбары кіраўніка дзяржавы—гэта найвышэйшае праяўленне дэмакратыі. Яны ў многім вызначаюць далейшыя шляхі развіцця ўнутранага жыцця і напрамкі ўзаемаадносін з усімі краінамі свету. Таму кожны выбаршчык павінен з адказнасцю аднесціся да выканання свайго грамадзянскага абавязку.
Не сакрэт, што ўсе мы жадаем, каб краіна, у якой жывём, заставалася прыгожай і ўтульнай, каб у кожнай сям'і быў дастатак, дзеці раслі ва ўзаемаразуменні і шчасці. Для гэтага, па-першае, кожны з нас павінен старацца сам, адказваць за свае ўчынкі, імкнуцца да лепшага, плённа і сумленна працаваць. Але многае залежыць і ад дзяржавы: якія ўмовы, ільготы, гарантыі яна нам дае. 11 кастрычніка — важны дзень у нашай краіне, грамадзяне прыдуць на выбарчыя ўчасткі, каб прагаласаваць за будучыню сваёй краіны. Каго з кандыдатаў падтрымаць — уласны выбар кожнага. Рэдакцыя раённай газеты звярнулася да міярчан з пытаннем: чаму Вы пойдзеце на выбары?
Зварот прэзідыума Міёрскага раённага савета ветэранаў да ўсіх ветэранаў вайны і працы, да выбаршчыкаў Міёрскага раёна. 11 кастрычніка 2015 года адбудуцца чарговыя выбары Прэзідэнта Рэспублікі Беларусь. Прэзідэнцкія выбары важныя для кожнага з нас, перш за ўсё для таго, каб вызначыць сваю будучыню і тое, хто і па якім шляху нас павядзе далей. Бо гэта ў выніку стане выбарам усёй нашай краіны на бліжэйшыя пяць гадоў.
Цэнтрвыбаркам зрабіў чарговы крок для арганізаванага правядзення галасавання на прэзідэнцкіх выбарах: зацверджаны пералік дакументаў, па якіх выбаршчыкі могуць прагаласаваць на сваіх участках. У гэты спіс уключаны вадзіцельскае пасведчанне, ваенны білет (для ваеннаслужачых тэрміновай службы), службовае пасведчанне дзяржаўнага служачага, пенсіённае пасведчанне (калі у ім ёсць здымак), студэнцкі білет і даведка органаў унутраных спраў (для грамадзян, якія не маюць пашпарта).
Сустрэчы ў калектывах на Міёршчыне ў падтрымку кандыдатаў на вышэйшую дзяржаўную пасаду правёў член Савета Рэспублікі, генеральны дырэктар УП "Віцебскаблгаз" і давераная асоба Аляксандра Лукашэнкі Пётр Шэршань. У Пятра Пятровіча ў нашым раёне цвёрдыя пазіцыі: усё, што ён абяцаў насельніцтву па газазабеспячэнні,—выканана. Цяпер запэўнівае: газавікі гарантуюць своечасовае падвядзенне "блакітнага паліва" і да нашай новабудоўлі, будучага металургічнага завода.