Землеўпарадкавальная служба райвыканкама падрыхтавала спіс свабодных (не занятых) зямельных участкаў у населеных пунктах раёна, якія могуць быць прадастаўлены грамадзянам для ўзвядзення і абслугоўвання жылля, па стану на 1 ліпеня. У ім 90 пазіцый, увогуле пад забудову выдзелена 16,64 гектара.
У Міёрах можна атрымаць 10 участкаў, з іх 7 на вуліцы Цвятаевай, па аднаму — на вул. Міру, 30 і Будаўнічай, 39 — усе яны па 9 сотак. 7 сотак адведзена пад дом на завулку Ціхі, 5.
У Дзісне 4 участкі па 15 і 11 сотак на вуліцах Зарэчнай, Калініна і Кузьміна, на два з іх ужо ёсць прэтэндэнты.
Па 25 сотак можна атрымаць пад узвядзенне дома ў вёсках Даўгінава, Узмёны, Канцэрава, Язна, Курылавічы, Завуцце (2 участкі), Мазурына.
У аграгарадку Чэрасы выдзелена 8 участкаў па 15 сотак на вуліцах Садовая і Азёрная, а ў Павяцці — толькі два на вул. Савецкай.
Чакае гаспадара 20 сотак на хутары Дзегцярова, па 2 участкі ў 25 сотак у Цімошкаве і Дрыгучах, тры сядзібы па 15-25 сотак у Туркове.
Па аднаму ўчастку пустуе ў вёсках Паташня (25 сотак), Чурылава (15) і Папкі (16). Больш “багатыя” Орцы — тут шэсць участкаў па 15-25 сотак, хаця на чатыры з іх ужо пададзены заявы. Дарэчы, на гэтыя 90 участкаў ужо ёсць 13 заяў не толькі ў Орцах, а яшчэ ў Міёрах, Дзісне, Пашніно, Александрове і Новым Двары.
За дадатковай інфармацыяй аб выдзяленні зямельных участкаў пад забудову звяртайцеся ў землеўпарадкавальную службу райвыканкама ці мясцовы Савет.
І. САФРОНАЎ.