Як выканаць прагноз?
Адказ на важнае пытанне давядзецца даць мясцовым сельгасвытворцам прадстаўнічай раённай камісіі.
На наступным тыдні ў райсельгасхарч запросяць прадстаўнікоў сельгасарганізацый для абароны распрацаваных мерапрыемстваў па выкананні прагнозных паказчыкаў на 2012 год. Кіраўнікі і галоўныя спецыялісты прадставяць планы работы сёлета, абгрунтуюць магчымасць іх выканання, укажуць шляхі павышэння рэнтабельнасці сельгасгалін. Асаблівая ўвага будзе звернута на эканоміку: скарачэнне дзяржаўнай грашовай падтрымкі сельгасвытворчасці прымушае ўмела гаспадарыць, паляпшаючы фінансавае становішча праз павелічэнне аб’ёмаў рэалізацыі прадукцыі, зніжэнне яе сабекошту, беражлівае абыходжанне з энергарэсурсамі, тэхнікай і матэрыяламі, павышэнне прадукцыйнасці працы.
Распрацаваныя аграрыямі мерапрыемствы прааналізуе камісія ў складзе старшыні райвыканкама, начальніка райсельгасхарчу і яго намеснікаў. Не выключана, што адпаведна іх рэкамендацый некаторым сельгасвытворцам яшчэ давядзецца падкарэкціраваць намечаныя планы.
Эліза БЛАЖЭВІЧ.