Права выезду грамадзяніна з рэспублікі можа быць часова абмежавана ў адпаведнасці з законам і заканадаўчымі актамі ў інтарэсах нацыянальнай бяспекі, грамадскага парадку, абароны маральнасці, здароўя насельніцтва, правоў і свабод іншых, калі:

- ён валодае звесткамі, складаючымі дзяржаўную тайну,—да заканчэння тэрміну, устаноўленага ў дагаворы аб допуску да дзяржаўных сакрэтаў;
- з’яўляецца падазраваемым ці абвінавачваемым па крымінальнай справе,—на ўстаноўлены тэрмін, але не больш чым да спынення крымінальнага праследавання ці ўступлення прыгавора суда ў законную сілу;
- асуджаны за ўчыненне злачынства, за выключэннем асоб без вынясення пакарання ці пакарання ў выглядзе пазбаўлення права займаць пэўныя пасады або займацца вызначанай дзейнасцю,—на тэрмін, устаноўлены органам ці ўстановай, але не больш чым да адбыцця пакарання ці вызвалення ад яго да заканчэння адтэрміноўкі ці выпрабавальнага тэрміну;
- ухіляецца ад мерапрыемстваў па прызыву на ваенную службу, службу ў рэзерве—да з’яўлення.

Рашэнні аб часовым абмежаванні права выезду з рэспублікі прымаюцца да грамадзян:
- за якімі ўстаноўлены прэвентыўны нагляд;
- якія не выконваюць без уважлівых прычын маёмасныя, падатковыя ці іншыя абавязацельствы судовых пастаноў перад дзяржавай, фізічнымі і юрыдычнымі асобамі;
- калі да іх прад’яўлены грамадзянскі іск у судзе;
- якія з’яўляюцца запазычаннікамі па справах аб банкруцтве ці зацікаўленымі ў адносінах даўжніка—юрыдычнай асобы.

Дзяржаўны орган РБ ці іншая юрыдычная асоба, якая прымала рашэнне аб часовым абмежаванні права грамадзян на выезд з рэспублікі, не пазней аднаго дня з даты прыняцця рашэння аб зняцці яго накіроўваюць грамадзяніну адпаведнае паведамленне.

Грамадзяне маюць права абскардзіць дзеянні дзяржаўных органаў і іншых юрыдычных асоб (службовых) у вышэйстаячы дзяржаўны орган ці суд.
Кожны можа звярнуцца ў аддзел па грамадзянству і міграцыі па месцы свайго жыхарства і атрымаць бясплатную інфармацыю аб наяўнасці абмежавання права выезду за межы дзяржавы.

Ж. БУНТА,
кансультант суда.