Атрымаць асалоду ад піва, "адцягнуцца" ад жыццёвых праблем — ужо стала шырокараспаўсюджанай з'явай. Між тым, гэта далёка не бясшкодна. Адмоўна ўздзейнічаюць на арганізм чалавека не толькі спірт, якога ў піве ўтрымліваецца ад 3 да 12%, але і таксічныя рэчывы, што ўтвараюцца падчас браджэння.
Піва выклікае ап'яненне і фарміруе залежнасць. І чым вышэйшая яго моцнасць, тым агрэсіўней вядуць сябе атрутныя рэчывы. Па шкоднаму ўздзеянню на арганізм гэты "лёгкі" напітак можа параўнацца хіба толькі з самагонкай.
Піўны алкагалізм фарміруецца ў тры разы хутчэй, чым гарэлачны, і змагацца з ім больш складана. Небяспеку ўяўляе нават безалкагольнае піва.
Нагадаю, што адна бутэлька 5%-ага піва прыраўноўваецца да 50 грамаў гарэлкі, а 9% — да 100 грамаў. У арганізм чалавека, які на працягу дня выпівае літр-паўтара пеністага напою, трапляее ад 100 да 300 грамаў алкаголю. Калі падлетак на працягу месяца тры-чатыры разы "атрымлівае асалоду" ад піва, трэба біць трывогу, бо гэта ўжо лічыцца злоўжываннем. Малады арганізм намнога хутчэй атрымлівае "кайф" ад піва і хутка прывыкае да яго. Бацькі, якія дазваляюць дзецям нават смакаваць гэты напітак, чыняць зло, падштурхоўваючы іх да алкагалізму.
Г. ЛІСКОВА,
інструктар-валеёлаг.