Якімі б бясконцымі ні здаваліся чорна-белыя зімовыя дні, прыйдзе час — і пейзаж за вокнамі зменіцца. Наваколле апранецца ў прывабны вясновы ўбор, і самім захочацца быць свежымі, яркімі і прыгожымі. Каб так і атрымалася, трэба пачынаць дзейнічаць ужо цяпер.
*У зімовую пару трэба спаць не менш за 8 гадзін у суткі ў добра праветраным памяшканні.
*Забараняецца наядацца на ноч. Выдатная вячэра — шклянка таматнага соку ці кефіру, крыху тварагу, фрукты ці лёгкі салацік з гародніны.
*Здаровы колер твару забяспечаць свежавыціснутыя сокі. Іх пажадана піць раніцай. Увогуле, вадкасць цяпер вельмі неабходна — вада, чай, кефір, морсы, кампоты.
*Шапка ў мароз і рэгулярныя маскі для валасоў абавязковыя.
*Скура зімой становіцца грубай, тут дапамогуць скрабы і крэмы для цела.
*Ножкам таксама патрэбны догляд. Ванначка з марской соллю, крэм, баваўняныя шкарпэткі — праз гадзіну мяккія пятачкі гатовы.
*Сяброўства са спортам не адмяняецца. Фізічную нагрузку можна падабраць па сабе і зрабіць яе рэгулярнай.
*Вярнуць колер вуснам дапаможа лімонны сок. Пасля яго — бальзам для вуснаў.
Падрыхтавала Кацярына СУРАВЕЦ.