17 красавіка на Заходняй Дзвіне людзі прыкмецілі на падтопленым дрэве прыкладна за 10 метраў ад берага юнака і патэлефанавалі ў службу МНС. Выратавальнікі на лодцы накіраваліся да месца здарэння і хутка даставілі на сушу 13-гадовага "шукальніка прыгод". Ён расказаў, што катаўся на крызе і трапіў у ваду. Яму пашчасціла, што побач было дрэва, на якое і ўзабраўся. З дыягназам пераахаладжэнне арганізма падлетка накіравалі ў бальніцу. І гэта вельмі добры зыход, бо такая рачная "вандроўка" магла закончыцца трагічна.

Супрацоўнікі Міёрскай выратавальнай станцыі нагадваюць, што лёд на вадаёмах нетрывалы, а таму строга забараняецца выходзіць на яго. Нельга перабірацца з аднаго берага ракі на другі па крыгах.  У час ускрыцця вадаёмаў ад лёду нельга карыстацца для перавозу людзей лодкамі, плытамі. У гэты перыяд трэба асабліва кантраляваць дзяцей, неабдуманыя ўчынкі якіх могуць прывесці да трагедый на вадзе.

А. РУБАНІК.